అక్షరటుడే, కామారెడ్డి: Congress counters KVR’s comments | ఎమ్మెల్యే వెంకట రమణారెడ్డి (MLA Venkata Ramana Reddy) వ్యాఖ్యలకు కాంగ్రెస్ నాయకులు కౌంటర్ ఇచ్చారు. దమ్ముంటే సీఎస్ఐ గ్రౌండ్కు రావాలని అక్కడే తేల్చుకుందామని సవాల్ విసిరారు. కాంగ్రెస్ నియోజకవర్గ కార్యాలయంలో (Kamareddy Congress) మంగళవారం ఆ పార్టీ నాయకులు మాట్లాడారు. మున్సిపాలిటీ బీజేపీకి దక్కలేదన్న ప్రస్టేషన్ లో ఎమ్మెల్యే హోదా మరిచి వీధి రౌడీలా మాట్లాడుతున్నారని ఆగ్రహం వ్యక్తం చేశారు.
Congress counters KVR’s comments | చట్టబద్దంగా డబ్బులిచ్చి..
తమ నాయకుడు షబ్బీర్ అలీ (Shabbir Ali) చట్టబద్ధంగా డబ్బులు ఇచ్చి భూములు కొనుగోలు చేశారని, బెదిరించి కబ్జాలు చేయలేదని కాంగ్రెస్ నాయకులు తెలిపారు. ఎమ్మెల్యే విద్యాసంస్థ పక్కన రిటైర్డ్ ఉద్యోగుల స్థలాన్ని కబ్జా చేసి ప్రహరీ కట్టారని ఆరోపించారు. కోర్టు ఆదేశాలను ధిక్కరించి రూ.30 వేలు గజం ఉన్న ధరను రూ.3 వేలకు తగ్గించింది నిజం కాదా అని ప్రశ్నించారు. ప్రభుత్వ కళాశాలకు చెందిన 260 ఎకరాల భూమిని అరోరా కళాశాలకు(Aurora College) ధారాదత్తం చేశారని, ఆ భూముని తాకట్టు పెట్టి రూ.7 కోట్లు తీసుకున్నది నిజం కాదా అని ప్రశ్నించారు.
జపాన్ పర్యటన వివరాలు త్వరలో వెల్లడిస్తాం..
ఎమ్మెల్యే కేవీఆర్ మూడు నెలల క్రితం జపాన్ (Japan) పర్యటనకు వెళ్లారని.. ఆ రహస్యాలు త్వరలో వెల్లడిస్తామన్నారు. టేక్రియాల్ (Takereal) నుంచి లింగాపూర్ వరకు 100 ఫీట్ల రోడ్డు ఎమ్మెల్యే కాకముందు అడ్డుకుని ఇప్పుడు ఎందుకు వేయిస్తున్నారని, అందులో ఎంత మేరకు ముట్టిందో చెప్పాలన్నారు. అధికారులకు నోటితో కాకుండా చేతులకు పని చెప్తా అంటున్న ఎమ్మెల్యే దమ్ముంటే సీఎస్ఐ గ్రౌండ్కు (CSI Ground) రావాలని సవాల్ చేశారు. లేదంటే ఎక్కడికి రమ్మంటారో అక్కడికి రావడానికి తాము సిద్ధంగా ఉన్నామన్నారు. సమావేశంలో కాంగ్రెస్ పట్టణ అధ్యక్షుడు పండ్ల రాజు, డీసీసీ మాజీ అధ్యక్షుడు కైలాస్ శ్రీనివాస్ రావు, జిల్లా గ్రంథాలయ ఛైర్మన్ చంద్రకాంత్ రెడ్డి, టీపీసీసీ జనరల్ సెక్రెటరీ ఇంద్రకరణ్ రెడ్డి, కౌన్సిలర్లు పాల్గొన్నారు.
