అక్షరటుడే, బోధన్: Nizamabad Collector | సాలూరు మండల తహశీల్దార్​ కార్యాలయాన్ని కలెక్టర్ వినయ్​ కృష్ణారెడ్డి (Collector Vinay Krishna Reddy) మంగళవారం ఆకస్మికంగా తనిఖీ చేశారు. ఈ సందర్భంగా కార్యాలయంలో రెవెన్యూ రికార్డులను పరిశీలించారు.

తహశీల్దార్​ కార్యాలయ (Tahsildar office) పరిధిలో జరుగుతున్న రెవెన్యూ పనులు.. వాటికి సంబంధించిన రికార్డులను క్షుణ్ణంగా తనిఖీ చేశారు. భూభారతి దరఖాస్తుల (land registration applications) పరిష్కార సరళిని ఆయన పరిశీలించారు.

భూభారతి దరఖాస్తులను ఎప్పటికప్పుడు పరిశీలించి క్లియర్​ చేయాలని పెండింగ్​లో పెట్టవద్దని ఆదేశాలు జారీ చేశారు. రెవెన్యూ రికార్డులను సక్రమంగా భద్రపర్చుకోవాలని సూచించారు. ఆయన వెంట బోధన్​ సబ్​ కలెక్టర్​ వికాస్​ మహతో (Sub-Collector Vikas Mahato), తహశీల్దార్​ శశిభూషణ్​ తదితరులున్నారు.