Chain Snatching | నగరంలో చైన్​ స్నాచింగ్​..

అక్షరటుడే, వెబ్​డెస్క్​: Chain Snatching | నిజామాబాద్ (Nizamabad) నగరంలోని చైన్​ స్నాచింగ్​ కలకలం రేపింది. ఈ ఘటన సోమవారం ఉదయం చోటు చేసుకుంది.

పోలీసులు తెలిపిన వివరాల ప్రకారం.. నగరంలోని మూడో టౌన్ పోలీస్ స్టేషన్ (Three Town Police Station) పరిధిలో గల సుభాష్ నగర్ ప్రాంతంలో ఉదయం సమయంలో ఓ మహిళ ఇంటి ముందు చెట్లకు పూలు కోస్తుండగా.. ఇద్దరు దుండగులు బైకుపై వచ్చారు. సదరు మహిళ మెడలో నుంచి చైన్​ను లాక్కుని బైకుపై పరారయ్యారు. దీంతో బాధితురాలి కుటుంబ సభ్యులు పోలీసులకు సమాచారం ఇచ్చారు. మూడోటౌన్​ ఎస్సై హరిబాబు (SI Haribabu), సిబ్బంది ఘటనా స్థలానికి చేరుకుని పరిశీలించారు. సీసీ ఫుటేజీ ఆధారంగా దర్యాప్తు చేస్తున్నట్లు తెలిపారు. కాగా.. రెండు తులాల బంగారం చైన్​ దుండగులు ఎత్తుకెళ్లినట్లు బాధితురాలు తెలిపింది.