అక్షరటుడే, ఆర్మూర్​: CP Sai Chaitanya | వరుస చైన్​స్నాచింగ్​లకు (Chain snatching) పాల్పడుతున్న​ ముఠాను అరెస్ట్​ చేసినట్లు సీపీ సాయి చైతన్య పేర్కొన్నారు. ఆయన తెలిపిన వివరాల ప్రకారం.. మహారాష్ట్ర(Maharashtra) నుంచి ఏడుగురు బతుకుదెరువు కోసం నిర్మల్ (Nirmal)​ జిల్లాలోని మంజులాపూర్​కు వచ్చారు. కూలిపని చేసినప్పటికీ కుటుంబ పోషణ భారంగా మారడంతో చైన్​స్నాచింగ్​లకు అలవాటు పడ్డారు. ఆటోల్లో వెళ్లే మహిళా ప్రయాణికుల మెడలో నుంచి గొలుసులు చోరీలు చేస్తుండేవారు. ఆర్మూర్(Armoor)​, ముప్కాల్(Mupkal)​, సారంగపూర్(Sarangapur)​, భైంసా, మెట్​పల్లి, జక్రాన్​పల్లి ప్రాంతాల్లో వీరు వరుస చోరీలకు పాల్పడ్డారు. పోలీసులు నిఘా పెరగడంతో మహారాష్ట్రకు పారిపోయారు. అనంతరం తిరిగి బైక్​లపై చోరీలు చేసేందుకు ఆర్మూర్​కు రాగా వారిని వలపన్ని పట్టుకున్నట్లు సీపీ వివరించారు. కేసును ఛేదించిన ఆర్మూర్ ఏసీపీ వెంకటేశ్వర్​ రెడ్డి, ఇన్​స్పెక్టర్​ సత్యనారాయణ, సీఐ శ్రీధర్​రెడ్డి, ఎస్సై రజనీకాంత్​లను సీపీ అభినందించారు.