Bodhan | మంగళవారం బోధన్​ బంద్​కు పిలుపు..

అక్షరటుడే, బోధన్: Bodhan | ఎమ్మెల్యే సుదర్శన్​ రెడ్డికి మంత్రి పదవి దక్కకపోవడాన్ని నిరసిస్తూ కాంగ్రెస్​ నాయకులు మంగళవారం బోధన్​ బంద్​కు పిలుపునిచ్చారు. ఈ సందర్భంగా వారు మాట్లాడుతూ.. పార్టీ కష్టకాలంలో వెన్నంటి ఉండి సేవలందించిన ఎమ్మెల్యే సుదర్శన్​ రెడ్డికి (MLA Sudarshan Reddy) కాంగ్రెస్​ అధిష్టానం అన్యాయం చేసిందన్నారు. దీనికి నిరసనగా బంద్​కు పిలుపునిచ్చినట్లు వారు పేర్కొన్నారు. మొదటి కేబినెట్​ విస్తరణలో అవకాశం ఇవ్వనప్పటికీ సీనియర్​ ఎమ్మెల్యే అయిన సుదర్శన్​ రెడ్డికి రెండోసారి అవకాశం వస్తుందని ఊహించామని వారు వివరించారు.