అక్షరటుడే, వెబ్డెస్క్ : Hyderabad | నిత్యం రోడ్డు ప్రమాదాల్లో వందల మంది చనిపోతున్నా చాలా మంది ట్రాఫిక్ నిబంధనలు(Traffic Rules) పాటించడం లేదు. పలువురు యువత ప్రమాదకరంగా వాహనాలు నడుపుతూ ఇతరుల ప్రాణాలను సైతం ప్రమాదంలో పెడుతున్నారు. రీల్స్ కోసం కొందరు వాహనాలతో స్టంట్లు చేస్తున్నారు. మరికొందరు యువకులు రోడ్లపై ర్యాష్ డ్రైవింగ్ (Rash Driving) చేస్తూ అదో గొప్ప పని ఫీల్ అవుతున్నారు. హైదరాబాద్ (Hyderabad)లో శనివారం రాత్రి పలువురు యువకులు కార్లతో హల్చల్ చేశారు.
హైదరాబాద్ నగరంలోని హైటెక్సిటీ (Hitech City)లో పలువురు లగ్జరీ కార్లతో ర్యాష్ డ్రైవింగ్ చేశారు. నీలోఫర్ కేఫ్ వద్ద కార్లతో స్టంట్లు చేశారు. అతివేగంగా నడుపుతూ.. పోటాపోటీగా డ్రిఫ్టులు కొడుతూ ఆకతాయిలు రెచ్చిపోయారు. ఈ క్రమంలో ఓ కారు అదుపు తప్పి పార్కింగ్ చేసిన ఉన్న రెండు కార్లను ఢీకొంది. దీంతో డ్రైవర్ పరారయ్యాడు. ఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.
