అక్షరటుడే, వెబ్​డెస్క్: Hyderabad | తమ కుమార్తెను వేధిస్తున్నాడని ఓ బాలుడిని ఆమె కుటుంబ సభ్యులు హత్య చేశారు. ఈ ఘటన హైదరాబాద్​లోని కుషాయిగూడ పోలీస్​స్టేషన్(Kushaiguda Police Station)​ పరిధిలో చోటు చేసుకుంది. వివరాలు.. జవహర్‌నగర్‌(Jawaharnagar) కార్పొరేషన్‌ పరిధిలోని ప్రగతినగర్‌కు చెందిన ఎండీ రిజ్వాన్‌ సెక్యూరిటీ గార్డుగా పని చేస్తున్నాడు.

ఆయన కుమారుడు అయాన్‌(16) ఇటీవల పదో తరగతి పూర్తి చేశాడు. ప్రస్తుతం ఖాళీ సమయాల్లో క్యాటరింగ్​ పనికి వెళ్తున్నాడు. అయితే సదరు బాలుడు ఓ బాలికను వేధిస్తున్నట్లు తెలిసింది. దీంతో బాలిక కుటుంబ సభ్యులు బాలుడిని పథకం ప్రకారం పిలిపించి.. మూకుమ్మడిగా కర్రలతో దాడి చేశారు. ఈ ఘటనలో బాలుడు తీవ్రంగా గాయపడడంతో ఆస్పత్రికి తరలించారు. చికిత్స పొందుతూ అయాన్​ మృతి చెందాడు. ఈ మేరకు పోలీసులు కేసు నమోదు చేసుకొని దర్యాప్తు చేస్తున్నారు.