అక్షరటుడే, వెబ్డెస్క్: Indigo Flight | అహ్మదాబాద్ విమాన ప్రమాద ఘటన అనంతరం దేశంలో పలు విమానాల్లో సాంకేతిక సమస్యలు తలెత్తున్నాయి. దీనికి తోడు పలు ఫ్లైట్లకు బాంబు బెదిరింపు(Bomb threat) ఫోన్లు వస్తుండడంతో అత్యవసరంగా ల్యాండ్(Emergency landing) చేస్తున్నారు. వరుసగా ఇలాంటి ఘటనలు చోటు చేసుకుంటు ఉండడంతో విమానంలో ఎక్కాలంటేనే ప్రయాణికులు భయ పడుతున్నారు.
తాజాగా ఇండిగో విమానానికి(Indigo Flight) బాంబు బెదిరింపు కాల్ వచ్చింది. కొచ్చి నుంచి ఢిల్లీ బయలుదేరిన ఇండిగో విమానం 6E 2706కి బాంబు బెదిరింపు వచ్చింది. దీంతో అప్రమత్తమైన సిబ్బంది నాగ్పూర్ విమానాశ్రయం(Nagpur Airport)లో అత్యవసరంగా ల్యాండ్ చేశారు. విమానాన్ని ఎమర్జెన్సీ ల్యాండింగ్ చేసిన తర్వాత అందులోని ప్రయాణికులు దింపేశారు. అనంతరం విమానంలో తనిఖీలు చేపట్టారు. అందులో బాంబు లేదని తేల్చారు. ఇది నకిలీ కాల్ అని అధికారులు తెలిపారు. ఇటీవల థాయ్లాండ్ నుంచి భారత్కు వస్తున్న విమానానికి కూడా బాంబు బెదిరింపు కాల్ వచ్చిన విషయం తెలిసిందే. ఆగంతకులు ఫోన్లు చేసి బెదిరింపులకు పాల్పడుతుండడంతో అధికారులతో పాటు ప్రయాణికులు ఇబ్బందులు పడుతున్నారు.
