అక్షరటుడే, వెబ్డెస్క్: Birth dates | సంఖ్యాశాస్త్రం (Numerology) ప్రకారం, ఒక వ్యక్తి పుట్టిన తేదీ కేవలం ఒక అంకె మాత్రమే కాదు.. అది వారి ప్రవర్తన, వ్యక్తిత్వం, భవిష్యత్తును నిర్ణయించే ఒక దిక్సూచి. అమ్మాయి పుట్టిన ఇంటా, అడుగుపెట్టిన అత్తింటా మహాలక్ష్మిలా వర్ధిల్లాలని అందరూ కోరుకుంటారు.
అయితే న్యూమరాలజీ ప్రకారం, కొన్ని ప్రత్యేక తేదీల్లో పుట్టిన అమ్మాయిలకు అదృష్టం వెన్నంటే ఉంటుంది. ముఖ్యంగా ‘రాడిక్స్ సంఖ్య 3’ లో పుట్టిన అమ్మాయిలు అడుగుపెట్టిన చోట పాజిటివ్ ఎనర్జీ వెల్లివిరుస్తుందని, వారు అత్తింటికి అదృష్ట దేవతలుగా మారుతారని నిపుణులు చెబుతున్నారు.
Birth dates | రాడిక్స్ సంఖ్య 3 వారు:
ఏ నెలలోనైనా 3, 12, 21, 30 తేదీలలో పుట్టిన అమ్మాయిల రాడిక్స్ సంఖ్య 3 అవుతుంది. ఈ సంఖ్యకు అధిపతి గురువు (Jupiter). నవగ్రహాలలో గురువును జ్ఞానం, ధర్మం, విజ్ఞానం, గౌరవానికి కారకుడిగా భావిస్తారు. అందుకే ఈ తేదీల్లో పుట్టిన వారిలో నాయకత్వ లక్షణాలు, లోతైన ఆలోచనా ధోరణి ఎక్కువగా కనిపిస్తాయి.
నిజాయితీకి ప్రాధాన్యం: నేటి కాలంలో చాలామంది బాహ్య సౌందర్యం, స్టేటస్ లేదా బ్యాంక్ బ్యాలెన్స్ చూసి బంధాలను ఏర్పరచుకుంటారు. కానీ, ఈ తేదీల్లో పుట్టిన అమ్మాయిలు మాత్రం మనసులోని నిజాయితీకి, నమ్మకానికి ప్రాముఖ్యం ఇస్తారు. వారు తమ భాగస్వామి పట్ల అత్యంత ప్రేమానురాగాలతో ఉంటారు. ఎదుటివారి కష్టాల్లో తోడుగా ఉండటం వీరి నైజం. తమ భాగస్వామికి నిరంతరం అండగా ఉంటూ, బంధాలకు విలువనిచ్చే గుణం వీరిని అందరిలో ప్రత్యేకంగా ఉండేలా చేస్తుంది.
తెలివితేటలతో విజయపథం: రాడిక్స్ 3 అమ్మాయిలు స్వతహాగా చాలా మేధావులు. విద్య, కెరీర్ రంగాల్లో తమ స్వయంకృషితో ఉన్నత శిఖరాలను అధిరోహిస్తారు. వీరిలో కమ్యూనికేషన్ స్కిల్స్ (మాట్లాడే నైపుణ్యం) అద్భుతంగా ఉంటాయి. తమ వాక్చాతుర్యంతో ఎంతటి వారినైనా సులభంగా ఆకట్టుకోగలరు. తమ మేధస్సుతో కుటుంబ సమస్యలను పరిష్కరించడంలో కీలక పాత్ర పోషిస్తారు.
అత్తింటికి అదృష్ట దేవతలు: సంఖ్యాశాస్త్రం ప్రకారం, ఈ అమ్మాయిలు పెళ్లి చేసుకుని అత్తింట్లో అడుగుపెట్టిన తర్వాత భర్త అదృష్టం పూర్తిగా మారుతుంది. ఆర్థిక ఇబ్బందులు ఉన్న కుటుంబంలోనైనా వీరు అడుగుపెడితే క్రమంగా సిరిసంపదలు పెరుగుతాయి. కేవలం భార్యగానే కాకుండా, కుటుంబ సభ్యులందరికీ ఒక మంచి మార్గదర్శిలా (Guide) ఉండి ఇంటి గౌరవాన్ని పెంచుతారు. వీరు ఉన్నచోట ప్రతికూల శక్తి తొలగిపోయి, సానుకూలత నిండి ఉంటుంది.
