అక్షరటుడే, వెబ్​డెస్క్ : Mendora | జిల్లాలో తరచూ రోడ్డు ప్రమాదాలు చోటుచేసుకుంటున్నాయి. దీంతో పలువురు ప్రాణాలు కోల్పోతున్నారు. ముఖ్యంగా హైవేలపై ఎక్కువ ప్రమాదాలు జరుగుతున్నాయి. జిల్లాలో ఇటీవలే కలెక్టర్​, సీపీ, ఇతర అధికారులు బ్లాక్​ స్పాట్స్​ను సైతం గుర్తించారు. ప్రమాదాల నివారణకు తీసుకోవాల్సిన చర్యలపై చర్చించారు. కారణం ఏదైనా వరుసగా యాక్సిడెంట్లు జరుగుతుండడంతో పలువురు ప్రాణాలను కోల్పోతున్నారు.

Mendora | చెట్టును ఢీకొని..

బైక్​ చెట్టును ఢీకొని యువకుడు మృతి చెందాడు. ఈ ఘటన మెండోరా (Mendora) మండలంలో గురువారం తెల్లవారుజామున చోటు చేసుకుంది. పోచంపాడ్​ గ్రామానికి చెందిన అఖిల్(26) తెల్లవారుజామున స్వగ్రామానికి బైక్​పై వస్తున్నాడు. ఈ క్రమంలో సోషల్ వెల్ఫేర్ వసతి గృహం సమీపంలో బైక్​ అదుపు తప్పి చెట్టును ఢీకొంది. ఈ ప్రమాదంలో అఖిల్​ అక్కడికక్కడే మృతి చెందాడు. ఘటనకు సంబంధించిన పూర్తి వివరాలు తెలియాల్సి ఉంది.