Bhubarathi | భూసమస్యల పరిష్కారానికే భూభారతి

అక్షరటుడే ఇందూరు: Bhubarathi | భూ సమస్యల శాశ్వత పరిష్కారమే ధ్యేయంగా ప్రభుత్వం భూభారతి చట్టాన్ని తీసుకొచ్చిందని కలెక్టర్​ రాజీవ్​గాంధీ హనుమంతు (Collector Rajiv Gandhi Hanumanthu) పేర్కొన్నారు. భూభారతి రెవెన్యూ సదస్సుల్లో (Revenue Conference) భాగంగా బుధవారం జక్రాన్​పల్లి (jakranpally) మండలం మాదాపూర్ (madapur), ముప్కాల్ మండలం, నల్లూరు, కిసాన్ నగర్ గ్రామాల్లో సదస్సుల్లో కలెక్టర్​ పాల్గొన్నారు. ఈ సందర్భంగా రైతులు ఎదుర్కొంటున్న భూసంబంధిత సమస్యల గురించి అడిగి తెలుసుకున్నారు. రిజిస్ట్రేషన్ ప్రక్రియ, హెల్ప్​డెస్క్​, దరఖాస్తుల స్వీకరణ కౌంటర్ వద్ద సదుపాయాలు, సిబ్బంది పనితీరును పరిశీలించారు. ఒకే దరఖాస్తులో రైతులు రెండు, మూడు రకాల భూసమస్యలను పేర్కొనవచ్చని సూచించారు. దరఖాస్తులను క్షుణ్ణంగా పరిశీలిస్తూ ఆన్​లైన్​లో ఎంట్రీ చేయాలని సిబ్బందికి ఆదేశించారు. సదస్సులో ఆర్మూర్ ఆర్డీవో రాజా గౌడ్, తహశీల్దార్ కిరణ్, రెవెన్యూ అధికారులు, సిబ్బంది పాల్గొన్నారు.