అక్షరటుడే నిజామాబాద్ సిటీ: Padmashali Sangham | జిల్లా పద్మశాలి సంఘం సభ్యుడు భీమర్తి రవి (Bhimarthi Ravi) రాజీనామా చేశారు. జిల్లాలోని సంఘాలన్నింటిని ఏకతాటిపైకి తెచ్చే క్రమంలో తాను జిల్లా పద్మశాలి సంఘం సభ్యత్వానికి, జిల్లా వధూవరుల పరిచయ వేదిక ఆర్గనైజింగ్​ సెక్రటరీ పదవికి రాజీనామా చేస్తున్నట్లు ఆయన పేర్కొన్నారు. తన రాజీనామాను ఆమోదించాలని జిల్లా పద్మశాలి సంఘం గౌరవాధ్యక్షుడిని కోరారు.

Padmashali Sangham | సంఘాలను ఏకతాటిపైకి తెచ్చేందుకే..

నగరంలో పద్మశాలి సంఘాలు (Padmashali associations) రెండుగా ఉన్నాయని భీమర్తి రవి పేర్కొన్నారు. వనం దేవిదాస్​, దాసరి నర్సింలు ఆధ్వర్యంలో రెండు సంఘాలు పనిచేస్తున్నాయని.. ఈ రెండింటిని ఒక్కతాటిపైకి తెచ్చేందుకు కృషి చేస్తున్నామని ఆయన పేర్కొన్నారు. పద్మశాలీలందరూ ఒకే సంఘం గొడుగు కింద ఉంటే.. భవిష్యత్తులో బలమైన రాజకీయ శక్తిగా ఎదిగేందుకు అవకాశం ఉంటుందని ఆయన తన అభిప్రాయం వ్యక్తం చేశారు. ఈ సందర్భంగా ఆయన రాజీనామాను ఆమోదించినట్లు తెలిసింది.