Kolkata Airport | ఎయిర్​పోర్ట్​లో బంగ్లాదేశ్​ యువకుడి హల్​చల్​.. అద్దం పగులగొట్టేందుకు యత్నం

అక్షరటుడే, వెబ్​డెస్క్​ : Kolkata Airport | బంగ్లాదేశ్​కు చెందిన ఓ​ యువకుడు కోల్​కతా ఎయిర్​పోర్టులో (Kolkata Airport) హల్​చల్​ చేశాడు. ఎయిర్​పోర్ట్​ టెర్మినల్​లోని గ్లాస్​ అద్దం పగులకొట్టి అక్రమంగా చొరబడడానికి యత్నించాడు. ఈ ఘటన శుక్రవారం చోటు చేసుకుంది.

బంగ్లాదేశ్‌లోని (Bangladesh) నారాయణగంజ్‌కు చెందిన మొహమ్మద్ అష్రఫుల్ సింగపూర్​ నుంచి ఢాకా వెళ్తున్నాడు. కోల్​కతాలో ల్యాండ్​ అయిన నిందితుడు ఢాకాకు కనెక్టింగ్​ విమానం ఎక్కాల్సి ఉంది. కానీ ఆయన అంతర్జాతీయ ట్రాన్సిట్ లాంజ్‌లో (International Transit Lounge) వేచి ఉండగా ఒక్కసారి గాజు గోడను పగులగొట్టి విమానాశ్రయం నుంచి బయటకు వెళ్లడానికి ప్రయత్నించాడు. వెంటనే అప్రమత్తమైన సీఐఎస్​ఎఫ్​ సిబ్బంది (CISF Staff) నిందితుడిని అదుపులోకి తీసుకున్నారు. విచారణ సమయంలో అష్రఫుల్ అనేక అసంబద్ధమైన వ్యాఖ్యలు చేశాడని అధికారులు తెలిపారు. అనంతరం అతడిని విమానాశ్రయ పోలీసులకు సీఐఎస్​ఎఫ్​ సిబ్బంది అప్పగించారు. అతను అలా ఎందుకు చేశాడనే దానిపై దర్యాప్తు చేస్తున్నారు.