అక్షరటుడే, వెబ్​డెస్క్ : Bandi Sanjay | కేంద్ర మంత్రి బండి సంజయ్​ పీసీసీ అధ్యక్షుడు మహేశ్​కుమార్​గౌడ్​పై సంచలన వ్యాఖ్యలు చేశారు. ఆయన వార్డు మెంబర్​గా కూడా గెలవలేరని విమర్శించారు. మంగళవారం కరీంనగర్​లో బండి సంజయ్​ మాట్లాడారు.

పీసీసీ అధ్యక్షుడు ఇటీవల కరీంనగర్​లో మాట్లాడుతూ బండి సంజయ్​(Bandi Sanjay)పై ఆరోపణలు చేసిన విషయం తెలిసిందే. దొంగ ఓట్లతోనే సంజయ్​ గెలిచారని ఆయన ఆరోపించారు. ఆయన వ్యాఖ్యలపై కేంద్ర మంత్రి తాజాగా స్పందించారు. 30 ఏళ్లుగా తాను ప్రజాప్రతినిధిగా ఉన్నానని బండి సంజయ్​ చెప్పారు. వార్డు మెంబర్​(Ward Member)​గా కూడా గెలవలేనివారు తనను విమర్శించడం సరికాదని ఎద్దేవా చేశారు.

Bandi Sanjay | బ్రేకింగ్​ల కోసమే..

కాంగ్రెస్​ నాయకులు(Congress Leaders) బ్రేకింగ్​ న్యూస్​లు వస్తాయనే తనను తిడుతున్నారని బండి సంజయ్​ అన్నారు. రాష్ట్రంలో ఓటు చోరీ లేదు, ఏమి లేదన్నారు. ఓటు చోరీ అయితే తెలంగాణ, కర్ణాటక, హిమాచల్​ ప్రదేశ్​లో కాంగ్రెస్​ ఎలా అధికారంలోకి వచ్చిందని ఆయన ప్రశ్నించారు. పార్లమెంట్​ ఎన్నికల్లో తమ పార్టీకే మెజారిటీ వచ్చేది కదా అన్నారు. మహేష్ కుమార్ గౌడ్ గురించి కాంగ్రెస్ నేతలే తనకు ఫోన్​ చేసి చెబుతున్నారన్నారు.

పీసీసీ అధ్యక్షుడికి సెక్యూరిటీ ఇవ్వమంటే ఇవ్వడం లేదన్నారు. ఆయనకు గన్​మెన్లు వేసుకొని తిరగాలని ఉందని కాంగ్రెస్​ నేతలే తనకు చెప్పారన్నారు. బీజేపీ నేతలను విమర్శిస్తే కార్యకర్తలు అడ్డుకుంటారని, అప్పుడు ప్రభుత్వం గన్​మెన్లను ఇస్తుందని ఆయన ఆలోచన అన్నారు. మహేశ్ గౌడ్​ మాటలు చూసి కాంగ్రెస్​ నాయకులే నవ్వుకుంటున్నారని ఎద్దేవా చేశారు.

 Bandi Sanjay | హిందూ ఓటు బ్యాంక్​తో గెలిచా..

కరీంనగర్‌లో హిందూ ఓటు బ్యాంక్‌ ద్వారానే తాను ఎంపీగా గెలిచానని బండి సంజయ్​ స్పష్టం చేశారు. తెలంగాణలో హిందూ ఓటుబ్యాంకును తయారు చేస్తామన్నారు. తమ పార్టీ సనాతన ధర్మం కోసం నిలబడుతుందన్నారు. దేవుడి పేరు చెప్పుకొని సంజయ్​ గెలిచారని మహేశ్​ గౌడ్(PCC President Mahesh Kumar Goud)​ వ్యాఖ్యానించడంతో ఆయన ఈ విధంగా స్పందించారు. ఎన్నికలు ఉన్నా..లేకున్నా హిందూ ధర్మం కోసం పని చేస్తామని బండి పేర్కొన్నారు.

Bandi Sanjay | ప్రజలను అవమానించడమే..

ఓటు చోరీ పేరిట కాంగ్రెస్​ నేతలు దుష్ప్రచారం చేస్తున్నారని బండి సంజయ్​ ఆగ్రహం వ్యక్తం చేశారు. ఇది ప్రజలను, వారిని తీర్పును అవమానించడమే అన్నారు. కరీంనగర్‌(Karimnagar)లో ప్రతి ఓటూ పరిశీలించి దొంగ ఓట్లను తీసేయాలని ఆయన డిమాండ్​ చేశారు. కాంగ్రెస్​ నేతలు అవగాహన లేకుండా మాట్లాడుతున్నారని విమర్శించారు. మహేశ్​ గౌడ్​ ఓట్ల చోరీ గురించి కాకుండా సీట్ల చోరీ గురించి మాట్లాడాలని ఎద్దేవా చేశారు.

Bandi Sanjay | రాజకీయ సన్యానం తీసుకుంటా

రాష్ట్రంలో 420 హామీలు ఇచ్చి అధికారంలోకి వచ్చిన కాంగ్రెస్​ వాటిని అమలు చేయడం లేదన్నారు. హామీల అమలు గురించి మహేశ్​గౌడ్​ స్పందించాలన్నారు. కాంగ్రెస్​ మళ్లీ అధికారంలోకి వస్తే రాజకీయ సన్యాసం తీసుకుంటానని ఆయన సవాల్​ విసిరారు. కాంగ్రెస్​ నాయకులు ప్రజలను కలవకుండా రాత్రిపూట యాత్రలు ఎందుకు చేస్తున్నారని ఆయన ప్రశ్నించారు.