అక్షరటుడే, హైదరాబాద్: Govt Employees : తెలంగాణ ప్రభుత్వం(Telangana state government) కీలక నిర్ణయం తీసుకుంది. ప్రభుత్వ ఉద్యోగుల బదిలీలపై సర్కారు నిషేధించింది. ఈ మేరకు రాష్ట్ర ఆర్థికశాఖ (state finance department) ప్రకటన జారీ చేసింది.
Govt Employees : స్థానిక సంస్థల ఎన్నికల నేపథ్యంలో..
రాష్ట్రంలో మూడు నెలల్లో స్థానిక సంస్థల ఎన్నికలు నిర్వహించాలని రాష్ట్ర అత్యున్నత న్యాయస్థానం ఇటీవలే తీర్పునిచ్చింది. హైకోర్టు (High Court) ఆదేశాలతో రాష్ట్రంలో త్వరలోనే స్థానిక ఎన్నికలు(Local Body Elections) జరగనున్న నేపథ్యంలో ప్రభుత్వం ఈ నిర్ణయం తీసుకున్నట్లు తెలుస్తోంది. దీనికితోడు రాష్ట్రంలోని చాలా జిల్లాల్లో అనధికార బదిలీలు జరుగుతున్నట్లు సర్కారుకు ఫిర్యాదులు అందిన నేపథ్యంలో కూడా ఈ నిర్ణయం తీసుకున్నట్లు చెబుతున్నారు.
Govt Employees : అనధికార బదిలీలను ఆపేందుకే..
ఈ అనధికార, అక్రమ బదిలీలను ఆపేందుకే తెలంగాణ సర్కారు ప్రత్యేక ఉత్తర్వులు జారీ చేసినట్లు సమాచారం. అయితే, కొన్ని ప్రత్యేక అంశాల్లో మాత్రం ఈ నిషేధం వర్తించదని ఉత్తర్వులో పేర్కొంది. ఎవరికైనా పదోన్నతి వచ్చి, పోస్టు ఖాళీ అయితే.. దానిని భర్తీ చేయొచ్చని ఉత్తర్వుల్లో స్పష్టత ఇచ్చింది.
