అక్షరటుడే, హైదరాబాద్: ASCENT | పీర్-టు-పీర్ వ్యవస్థాపక అభ్యాస వేదిక అయిన ASCENT ఫౌండేషన్ తన ముఖ్య కార్యక్రమం 10వ ASCENT కాంక్లేవ్ను ఇటీవల నిర్వహించింది.
ముంబయిలోని జియో వరల్డ్ కన్వెన్షన్ సెంటర్లో ఈ వేడుక జరిగింది. మారికో లిమిటెడ్ ఛైర్మన్ హర్ష్ మారివాలా స్థాపించిన ఈ ఫౌండేషన్ పదేళ్ల మైలురాయిని ఈ కాంక్లేవ్ తో చేరుకుంది.
ASCENT | వ్యవస్థాపకులకు అతిపెద్ద వేదిక
2012లో ప్రారంభమైనప్పటి నుంచి, ASCENT ఫౌండేషన్ దేశంలోనే అత్యంత విశ్వసనీయమైన వ్యవస్థాపక అభ్యాస వేదికలలో ఒకటిగా ఎదిగింది. ప్రస్తుతం, ఇది భారతదేశంలోని 40 నగరాల నుంచి 1,000 మందికి పైగా వ్యవస్థాపకుల (entrepreneurs) ను ఒకే వేదికపైకి తీసుకొచ్చింది.
ఈ సంస్థ 1,00,000 మందికి పైగా ఉద్యోగులు (employees), రూ. 1,28,000 కోట్ల కంటే ఎక్కువ టర్నోవర్ను కలిగి ఉంది. ఇది ఉమ్మడి వృద్ధికి, సామూహిక ప్రభావానికి శక్తివంతమైన పర్యావరణ వ్యవస్థను నిర్మిస్తోంది.
ఈ 10వ ఎడిషన్ కాంక్లేవ్‌లో 700 మందికి పైగా వ్యవస్థాపకులు పాల్గొన్నారు. ఇది అత్యంత పెద్ద ఎడిషన్‌గా నిలిచింది. వేగంగా మారుతున్న వ్యాపార ప్రపంచంలో రాణించడానికి అవసరమైన లోతైన ఆలోచనలు, నిజమైన అనుభవాలను ఈ వేదికగా పంచుకున్నారు.
ASCENT | పరస్పర సహకారం
వ్యవస్థాపకత అనేది ఒంటరి ప్రయాణం కావచ్చని గుర్తించిన ASCENT, ఒకరి నుంచి ఒకరు నేర్చుకోవడం ద్వారా వ్యవస్థాపకులు బలంగా ఎదుగుతారనే నమ్మకంతో పనిచేస్తుంది.
పీర్-గ్రూప్ ఫార్మాట్ ద్వారా వ్యాపారులు ఎలాంటి భయం లేకుండా.. తమ సవాళ్లు, విజయాలను పంచుకునేందుకు సురక్షితమైన, పోటీ లేని వాతావరణాన్ని సృష్టించింది.
ASCENT ఫౌండేషన్ వ్యవస్థాపకుడు హర్ష్ మారివాలా మాట్లాడుతూ.. “ఒకరిపై ఒకరికి ఉన్న నమ్మకం, పరస్పర అభ్యాసం ద్వారా.. వ్యవస్థాపకులు స్వేచ్ఛగా పంచుకోవడానికి, సహకరించుకోవడానికి, సామూహికంగా ఎదగడానికి ASCENT ఒక వేదికగా మారింది. ఈ 10వ కాంక్లేవ్ కేవలం ఒక మైలురాయి మాత్రమే కాదు.. భారతీయ వ్యవస్థాపకులు ఎంత దూరం వచ్చారో.. ‘వికసిత భారత్’ నిర్మాణంలో మనం ఎంత ముందుకు వెళ్లవచ్చో తెలిపే ప్రతిబింబం..” అని అన్నారు.
ప్రేరణనిచ్చిన ప్రముఖ వక్తలు
ఈ సంవత్సరం కాంక్లేవ్‌లో అనేక మంది ప్రముఖులు తమ అనుభవాలను పంచుకున్నారు. వారిలో:
- నసీరుద్దీన్ షా (వెటరన్ నటుడు, థియేటర్ ఆర్టిస్ట్) Naseeruddin Shah (Veteran Actor, Theatre Artist)
- ప్రతీక్ గాంధీ (నటుడు, ఐడియాబాజ్ హోస్ట్) Prateek Gandhi (Actor, Host of Ideabaaz)
- కపిల్ చోప్రా (ది పోస్ట్‌కార్డ్ హోటల్, ఈజీ డైనర్ వ్యవస్థాపకుడు) Kapil Chopra (Founder of The Postcard Hotel, Easy Diner)
- మిథున్ సచేతి (కారట్‌లేన్ వ్యవస్థాపకుడు) Mithun Sacheti (Founder of Caratlane)
- పవన్ కుమార్ చందన (స్కైరూట్ ఏరోస్పేస్ సహ వ్యవస్థాపకుడు & CEO) Pawan Kumar Chandana (Co-Founder & CEO of Skyroot Aerospace)
భవిష్యత్తు కోసం విజన్ 2047
దేశం ‘వికసిత భారత్ 2047’ దిశగా సాగుతున్న తరుణంలో.. ASCENT వ్యవస్థాపకులకు ‘ఇండియన్ ఆపర్చునిటీ’ ని ఉపయోగించుకోవడంలో కీలక పాత్ర పోషిస్తోంది.
Ideabaaz అనే టీవీ షోతో కలిసి ASCENT కాంక్లేవ్ 2025 సహకారం అందించింది. ఇది స్టార్టప్‌లకు నిధుల సేకరణకు మించి మద్దతు కోసం ఒక జాతీయ వేదికగా ఉపయోగపడుతుంది.
ASCENT ఫౌండేషన్ యొక్క నినాదం “వ్యవస్థాపకులకు సహాయం చేసే వ్యవస్థాపకుల ఉద్యమం” (A movement of founders helping founders) భారతదేశ వృద్ధి కథకు శక్తినిస్తూ, వికసిత భారత్ 2047 లక్ష్యం వైపు సాగుతోంది.
