అక్షరటుడే, కామారెడ్డి : Kamareddy Municipal Elections | మున్సిపల్ ఎన్నికల్లో భాగంగా ఫిబ్రవరి 11న జరిగే పోలింగ్కు అన్ని ఏర్పాట్లు ముందుగానే పూర్తి చేయాలని సంబంధిత అధికారులను ఇన్ఛార్జి కలెక్టర్ ఇలా త్రిపాఠి (Collector Ila Tripathi) ఆదేశించారు. జిల్లా కేంద్రంలోని మున్సిపాలిటీ కార్యాలయంలో శుక్రవారం ఏర్పాటు చేసిన నామినేషన్ స్వీకరణ కేంద్రాన్ని పరిశీలించారు.
Kamareddy Municipal Elections | వివరాల ఆరా..
ఇప్పటి వరకు అందిన నామినేషన్ల సంఖ్య, నియమించిన ఆపరేటర్ల వివరాలు, అభ్యర్థుల సంఖ్య, ఎఫ్ఎస్టీ, ఎస్ఎస్టీ బృందాల ఏర్పాటు, శిక్షణ తరగతుల నిర్వహణ వివరాలను ఇన్ఛార్జి కలెక్టర్ అడిగి తెలుసుకున్నారు. వెబ్కాస్టింగ్ సదుపాయం, ప్రింటింగ్ ప్రెస్ వివరాలు, బ్యాలెట్ బాక్స్ల సరఫరా తదితర అంశాలను క్షుణ్ణంగా పరిశీలించారు. ఈ సందర్భంగా కలెక్టర్ మాట్లాడుతూ.. జిల్లాలోని నాలుగు మున్సిపాలిటీల్లో గత బుధవారం నుంచి మూడు రోజులుగా నామినేషన్ల స్వీకరణ జరుగుతోందన్నారు.
Kamareddy Municipal Elections | నిబంధనల ప్రకారం నడుచుకోవాలి
ప్రక్రియను ఎన్నికల కమిషన్ (Election Commission) జారీ చేసిన నిబంధనల ప్రకారం సజావుగా నిర్వహించాలని అధికారులకు ఇలా త్రిపాఠి సూచించారు. నామినేషన్ల స్క్రూటీని తేదీ 31వ తేదీ కాగా, తదుపరి పోలింగ్ కు సంబంధించిన ఏర్పాట్లు చేయాలని అధికారులకు సూచించారు. ఎన్నికలు ప్రశాంత వాతావరణంలో జరిగేలా అన్ని ఏర్పాట్లు చేయాలని తెలిపారు. కార్యక్రమంలో సాధారణ పరిశీలకులు ప్రశాంత్ కుమార్, అదనపు కలెక్టర్లు విక్టర్ (Additional Collectors Victor), మధుమోహన్, ఆర్డీవో వీణ, మున్సిపల్ కమిషనర్ రాజేందర్ రెడ్డి, తహశీల్దార్ జనార్ధన్, ఎన్నికల సిబ్బంది పాల్గొన్నారు.
