Armur Municipal Chairperson Election | ఆర్మూర్​లో హైటెన్షన్​.. ఛైర్​పర్సన్ పదవిపై ఉత్కంఠ

అక్షరటుడే,ఆర్మూర్ : Armur Municipal Chairperson Election | ఆర్మూర్ మున్సిపల్ ఛైర్​పర్సన్ ఎన్నికలపై ఉత్కంఠ నెలకొంది. ఆర్మూర్ మున్సిపల్ కార్యాలయం (Armoor Municipal Office)లోని సమావేశ మందిరంలో సోమవారం కౌన్సిలర్ ప్రమాణ స్వీకారం నిర్వహించనున్నారు.

ఛైర్​పర్సన్​, వైస్​ఛైర్మన్ ఎన్నికకు మున్సిపల్ అధికారులు (Municipal Officers) ఏర్పాట్లు పూర్తిచేశారు. మొదట కౌన్సిలర్ ప్రమాణస్వీకారం అటు తర్వాత ఛైర్​పర్సన్, వైస్​ఛైర్మన్​ ఎన్నిక నిర్వహిస్తారు. చేతులు లేపడం ద్వారా ఛైర్​ పర్సన్​ ఎన్నిక నిర్వహిస్తారు.

Armur Municipal Chairperson Election | ఆమె ఎన్నిక లాంఛనమేనా..

ఆర్మూర్ మున్సిపల్ పరిధిలో 36 వార్డులకు గాను కాంగ్రెస్ 19, బీజేపీ 8, బీఆర్ఎస్ 5, ఎంఐఎం 1, స్వతంత్రులు 3 స్థానాల్లో విజయం సాధించారు. కాంగ్రెస్​ మ్యాజిక్ ఫిగర్​కు చేరుకోవడంతో ఛైర్ పర్సన్, వైస్ ఛైర్మన్ కాంగ్రెస్ పరం కానుంది. కాగా ఛైర్​పర్సన్ రేసులో భారత్ గ్యాస్ సుమన్​ సతీమణి తిరుమల.. మరోవైపు గోనె లహరి పోటీపడుతున్నారు. వైస్ ఛైర్మన్​ పదవిని రవిగౌడ్, భూపేందర్ఆ శిస్తున్నారు.

Armur Municipal Chairperson Election | రంగంలోకి ఈరవత్రి అనిల్​

తెలంగాణ రాష్ట్ర ఖనిజాభివృద్ధి సంస్థ ఛైర్మన్‌ ఈరవత్రి అనిల్ (Eeravatri Anil) రంగంలోకి దిగినట్లు సమాచారం. పద్మశాలి సామాజిక వర్గానికి చెందిన గోనె లహరిని ఛైర్ పర్సన్​గా చేయాలన్న ఉద్దేశంతో పావులు కలుపుతున్నట్లు తెలుస్తోంది. అదే జరిగితే వినయ్ రెడ్డి అనుచరుడైన భూపేందర్​కు వైస్ ఛైర్మన్ పదవి కట్టబెడతారన్న ఊహగానాలు వినిపిస్తున్నాయి. ఈ ఉత్కంఠకు మరో గంటలో తెరపడనుంది.