Mla Prashanth Reddy | సీఎంకు రైతుల కంటే అందాల పోటీలే ముఖ్యమా..?

అక్షరటుడే, ఆర్మూర్ : Mla Prashanth Reddy | అకాల వర్షాలతో ధాన్యం తడిసిపోయి రైతులు ఆగమవుతున్నారని.. కానీ సీఎం రేవంత్​రెడ్డికి (CM Revanth Reddy)అందాల పోటీలే ముఖ్యమయ్యాయని మాజీ మంత్రి, ఎమ్మెల్యే వేముల ప్రశాంత్​రెడ్డి విమర్శించారు. ఈ మేరకు శనివారం ఓ ప్రకటన విడుదల చేశారు. బాల్కొండ నియోజకవర్గంలో (Balkonda Constituency) కల్లాల వద్ద, రహదారులపై ఇప్పటికీ ధాన్యం రాశులు కుప్పలుగా ఉన్నాయని.. అయినా అధికారులు పట్టించుకోవట్లేదన్నారు. వారి నిర్లక్ష్యంతోనే ధాన్యం వర్షం పాలవుతోందన్నారు. ధాన్యం సేకరణపై రివ్యూ చేయని సీఎం రేవంత్​రెడ్డి అందాలపోటీలపై ఇప్పటికీ ఎనిమిది సార్లు రివ్యూ చేశారని విమర్శించారు. అకాల వర్షాలకు నష్టపోయిన రైతులను ప్రభుత్వం ఆదుకోవాలని డిమాండ్​ చేశారు.