అక్షరటుడే, వెబ్డెస్క్: Annavaram Prasadam | కాకినాడ జిల్లా (Kakinada District) అన్నవరం శ్రీ వీర వెంకట సత్యనారాయణ స్వామి ఆలయానికి అనుబంధంగా ఉన్న నమూనాలయంలో పరిశుభ్రత లోపాలపై తీవ్ర విమర్శలు వెల్లువెత్తాయి. స్వామివారి ప్రసాదం నిల్వ ఉంచే బుట్టల్లో ఎలుకలు (Rats) సంచరిస్తున్న దృశ్యాలు సోషల్ మీడియా (Social Media)లో వైరల్ కావడంతో భక్తుల్లో తీవ్ర ఆందోళన నెలకొంది. జాతీయ రహదారిపై ఉన్న నమూనాలయం నుంచి ప్రతిరోజూ వేలాది మంది భక్తులు ప్రసాదం కొనుగోలు చేస్తుండటంతో ఈ ఘటన మరింత సంచలనంగా మారింది.
Annavaram Prasadam | వీడియోతో వెలుగులోకి వచ్చిన నిర్లక్ష్యం
బుధవారం రాత్రి 10.30 నుంచి 11 గంటల మధ్య సమయంలో నమూనాలయానికి వచ్చిన కొందరు భక్తులు, ప్రసాదం ప్యాకెట్లు (Prasadam Packets) నిల్వ ఉంచిన ప్లాస్టిక్ బుట్టల్లో ఎలుకలు తిరుగుతున్నట్టు గుర్తించారు. దీనిపై అక్కడి సిబ్బందిని ప్రశ్నించగా, నిర్లక్ష్యంగా స్పందించినట్టు భక్తులు ఆరోపించారు. ఆగ్రహించిన భక్తులు ఈ దృశ్యాలను మొబైల్లో రికార్డు చేసి సోషల్ మీడియాలో పోస్టు చేయడంతో విషయం క్షణాల్లో వైరల్ అయింది. వైరల్ వీడియో ఆలయ ఈవో త్రినాథరావు (Temple EO Trinath Rao) దృష్టికి వెళ్లడంతో వెంటనే అధికార యంత్రాంగం అప్రమత్తమైంది. నమూనాలయంలో ప్రసాదం నిల్వ చేసే క్యాబిన్ను పూర్తిగా పరిశీలించి, లోపాలను సరిదిద్దాలని ఆదేశాలు జారీ చేశారు. అధికారులు వెంటనే చర్యలు చేపట్టి, క్యాబిన్కు మరమ్మతులు చేయడంతో పాటు ఎలుకలు లోపలికి రాకుండా ప్రత్యేక భద్రతా ఏర్పాట్లు చేశారు.
ఈ ఘటనకు కారణమైన సిబ్బందిపై ఆలయ అధికారులు కఠినంగా స్పందించారు. నిర్లక్ష్యం వహించారని భావించిన ఇద్దరు సిబ్బందిని తాత్కాలికంగా విధుల నుంచి తొలగించారు. అలాగే భవిష్యత్తులో ఇలాంటి ఘటనలు పునరావృతం కాకుండా పర్యవేక్షణ మరింత కఠినంగా ఉంటుందని అధికారులు స్పష్టం చేశారు. అన్నవరం నమూనాలయం జాతీయ రహదారిపై ఉండటంతో ప్రతిరోజూ భారీగా ప్రసాద విక్రయాలు జరుగుతాయి.ఈ ఘటన తర్వాత ఇద్దరు సిబ్బందిపై క్రమశిక్షణ చర్యలు తీసుకున్నారు. భవిష్యత్తులో పరిశుభ్రతపై ప్రత్యేక దృష్టి పెట్టనున్నట్లు హామీ ఇచ్చారు.
అన్నవరం దేవస్థానంలో ప్రసాదం బుట్టల నిండా ఎలుకలు. భక్తులు ఎలుకలు ఏంటని ప్రశ్న. కొనుక్కుంటే కొనండి లేకపోతే వెళ్లిపోండంటూ దురుసుగా ప్రవర్తించిన సిబ్బంది.#annavaram #rats #AndhraPradesh #UANow pic.twitter.com/Rfu9jB37HA
— UttarandhraNow (@UttarandhraNow) January 23, 2026
