అక్షరటుడే, వెబ్డెస్క్ : Anganwadi | అంగన్వాడీ ఉద్యోగుల(Anganwadi Employees)కు రాష్ట్ర ప్రభుత్వం గుడ్న్యూస్ చెప్పింది. వారికి ఉద్యోగ విరమణ బెనిఫిట్స్ (Retirement Benifits) పెంచుతూ జీవో జారీ చేసింది. గతంలో అంగన్వాడీ టీచర్లు, హెల్పర్లకు ఉద్యోగ విమరణ ఉండేది కాదు. చాలా మంది జీవిత కాలం పని చేసేవారు. అయితే ఏడాది క్రితం ప్రభుత్వం అంగన్వాడీ టీచర్లు, ఆయాలకు ఉద్యోగ విమరణ వర్తింపజేస్తూ నిర్ణయం తీసుకుంది.
కాగా.. రిటైర్మెంట్ వయసును 65 ఏళ్లుగా పేర్కొంది. ఉద్యోగ విరమణ బెనిఫిట్స్ కింద అంగన్వాడీ టీచర్లకు రూ.లక్ష, ఆయాలకు రూ.50 వేల చొప్పున ఇస్తామని ప్రకటించింది. అయితే ఈ మొత్తాన్ని పెంచాలని అంగన్వాడీ ఉద్యోగులు కొంతకాలంగా డిమాండ్ చేస్తున్నారు. ఈ మేరకు తాజాగా ఉద్యోగ విరమణ ప్రయోజనాలు పెంచుతూ ప్రభుత్వం ఉత్తర్వులు వెలువరించింది.
Anganwadi | రూ.2 లక్షలకు పెంపు
అంగన్వాడీ ఉద్యోగుల డిమాండ్ మేరకు ప్రభుత్వం తాజాగా రిటైర్మెంట్ బెనిఫిట్స్ పెంచుతూ జోవో జారీ చేసింది. అంగన్వాడీ టీచర్లకు(Anganwadi Teachers) రూ.రెండు లక్షలు, ఆయాలకు (Anganwadi Helpres) రూ.లక్ష చొప్పున ఇక నుంచి ఉద్యోగ విరమణ సందర్భంగా ఇస్తామని తెలిపింది. అలాగే 60 ఏళ్లు దాటి వీఆర్‌ఎస్(VRS) తీసుకునే టీచర్లకు, హెల్పర్లకు రిటైర్మెంట్ బెనిఫిట్స్ వర్తింపజేస్తూ ప్రభుత్వం నిర్ణయం తీసుకుంది.
కాగా ఇటీవల రాష్ట్ర ప్రభుత్వం మినీ అంగన్వాడీ టీచర్లను అప్గ్రేడ్ చేసిన విషయం తెలిసిందే. రాష్ట్రంలో 3,989 టీచర్లు ఉండేవారు. వీరికి రూ.7,800 వేతనం వచ్చేది. అయితే వీరిని అంగన్వాడీ టీచర్లుగానే పరిగణించాలని ప్రభుత్వం నిర్ణయించింది. ఇక నుంచి రాష్ట్రంలో మినీ అంగన్వాడీలు ఉండవని తెలిపింది. దీంతో వారికి రూ.13,560 వేతనం అందనుంది.
