అక్షరటుడే, వెబ్డెస్క్: Elon Musk | ప్రపంచంలో అత్యంత ప్రభావశాలిగా చెప్పుకొనే టెస్లా సీఈఓ ఎలాన్ మస్క్(Tesla CEO Elon Musk) తాజాగా చేసిన కొన్ని వ్యాఖ్యలు ప్రస్తుతం అమెరికా(America)లో రాజకీయంగా కలకలం సృష్టిస్తున్నాయి. అమెరికా త్వరలోనే దివాళ తీసే పరిస్థితికి చేరుకుంటుందని ఆయన స్పష్టం చేశారు.
అమెరికా ప్రభుత్వ విధానాలపై తీవ్ర అసంతృప్తి వ్యక్తం చేసిన ఎలన్ మస్క్.. ఇటీవలే ప్రభుత్వ సలహాదారు బోర్డు నుంచి నిష్క్రమించారు. అమెరికా అధ్యక్షుడు డొనాల్డ్ ట్రంప్(US President Donald Trump) ప్రవేశపెట్టిన ‘బిగ్ బ్యూటిఫుల్ బిల్'(Big Beautiful Bill)పై తీవ్ర విమర్శలు చేసిన ఎలన్.. “ఆ బిల్లు అసహ్యకరమైనది.. దీనికి మద్దతిచ్చిన వాళ్లు సిగ్గుపడాలి” అంటూ ఘాటుగా వ్యాఖ్యానించారు.
ఎలన్ మస్క్ చేసిన ఈ వ్యాఖ్యలు అమెరికా(US) ప్రభుత్వ ఖర్చులు, వ్యయ నియంత్రణలో విఫలం, అప్పుల భారం వంటి అంశాలపై తీవ్ర విమర్శలుగా పరిగణిస్తున్నారు. ఆయన అపార అనుభవం, మార్కెట్ పర్యవేక్షణపై ఉన్న విశ్వాసాన్ని దృష్టిలో ఉంచుకుని పరిశీలిస్తే.. ఎలన్ అంచనాలు రాజకీయంగానే కాదు, ఆర్థికంగానూ గంభీరంగా పరిగణించవలసిందేనని ఆర్థిక నిపుణులు భావిస్తున్నారు.
Elon Musk’s sensational comments : రాజకీయ నాయకులు, నెటిజన్ల స్పందన
సామాజిక మాధ్యమాల్లో ఎలన్ మస్క్ వ్యాఖ్యలు హాట్ టాపిక్ గా మారాయి. కొందరు ఎలన్ మస్క్ను అభినందిస్తున్నారు. మరికొందరు ఆయన వ్యాఖ్యలను బాధ్యతారహితంగా పరిగణిస్తున్నారు. ప్రస్తుతం ఎలన్ వ్యాఖ్యలు అమెరికా రాజకీయ వాతావరణాన్ని వేడెక్కించాయి.
