అక్షరటుడే, వెబ్డెస్క్ : Almonds | బాదంతో ఎన్నో ప్రయోజనాలు ఉన్నాయి. బాదంలు ఆరోగ్యపరంగా మంచివని అందుకే మన పెద్దలు చెబుతారు. బాదం పప్పులను పోషకాలకు నిలయంగా భావిస్తారు. ఒంటికి ఎంతో బలం చేకూర్చడంతో పాటు మానసిక ఒత్తిళ్లను దూరం చేయడానికి ఎంతో సహకరిస్తుంది. ఇటీవల నిర్వహించిన ఓ శాస్త్రీయ అధ్యయనంలో ఇది వెలుగు చూసింది. సైంటిఫిక్ రిపోర్ట్స్(Scientific Reports)లో ప్రచురించిన కథనం ప్రకారం.. క్రమం తప్పకుండా బాదం పప్పు తీసుకోవడం వల్ల పెద్దవారిలో ఒత్తిడి, వాపు గుర్తులు తగ్గుతాయని తేలింది.
Almonds | ఒత్తిళ్లు దూరం చేసే బాదం..
బాదం సప్లిమెంటేషన్ ఆక్సీకరణ(Supplementation Oxidation) ఒత్తిడిని ఎలా ప్రభావితం చేస్తుందో అంచనా వేయడానికి ఎనిమిది వేర్వేరు క్లినికల్ ట్రయల్స్(Clinical Trials) నుంచి వచ్చిన ఫలితాలను సమీక్షించగా, కీలక విషయాలు వెలుగు చూశాయి. వాపు, వృద్ధాప్యం, దీర్ఘకాలిక వ్యాధుల నుంచి ఉపశమనం కలుగుతుందని గుర్తించారు.
రోజుకు 60 గ్రాముల కంటే ఎక్కువ బాదం పప్పులు తినే వారిలో MDA, 8-హైడ్రాక్సీ-2’-డియోక్సిగ్వానోసిన్ (8-OHdG)తో సహా సెల్యులార్ స్థాయిలు తక్కువగా ఉన్నట్లు తెలిపారు. రెగ్యులర్గా బాదంలు తినడం వల్ల యాంటీఆక్సిడెంట్ ఎంజైమ్ కార్యకలాపాలు మెరుగుపడుతాయని పేర్కొన్నారు. ముఖ్యంగా కణాలను రక్షించే ముఖ్యమైన ఎంజైమ్ అయిన సూపర్ ఆక్సైడ్ డిస్ముటేస్ (Superoxide Dismutase) ఎక్కువ ఉత్పత్తి అవుతుందని తెలిపారు. బాదం తినడం రక్తంలో చక్కెర స్థాయిలను నియంత్రిస్తుందని గతంలోనే ఓ అధ్యయనంలో తేలింది.
Almonds | ఎన్ని తినాలంటే..
బాదం(Almonds)లో విటమిన్ E, పాలీఫెనాల్స్, ఆరోగ్యకరమైన కొవ్వులు పుష్కలంగా ఉంటాయి. ఇవన్నీ యాంటీఆక్సిడెంట్ ప్రభావాలకు దోహదం చేస్తాయి. సెల్యులార్ స్థాయిలో ఒత్తిడిని ఎదుర్కోవడానికి సహజ మార్గంగా ఉపయోగపడతాయి. బాదంలు తినడం యాంటీఆక్సిడెంట్(Antioxidant) ఆరోగ్యానికి మద్దతు ఇవ్వడానికి సహజమైన మార్గం. రోజుకు 60 గ్రాముల బాదం తినాలని పరిశోధకులు చెబుతున్నారు. ఇది చాలా ఎక్కువ అనిపించినప్పటికీ, రెట్టింపు ప్రయోజనాలు అందిస్తాయని పేర్కొంటున్నారు. మొత్తం DNA మెరుగుదలతో పాటు ఆక్సీకరణ ఒత్తిడికి వ్యతిరేకంగా బాదంలు రక్షణ ప్రయోజనాలను అందిస్తుందని తెలిపారు. అదే సమయంలో డైటిషియన్లు మాత్రం కేలరీలు అధికంగా ఉండే వంటి వాటిని మితంగా తినాలని హెచ్చరిస్తున్నారు. అందువల్ల, ఇతర ఆహారాలలో ఇప్పటికే తీసుకుంటున్న కేలరీలతో పాటు కాకుండా సమతుల్య ఆహారంలో భాగంగా బాదం తినాలని వారు చెబుతున్నారు.
