అక్షరటుడే, వెబ్డెస్క్ : Tomcom | నిరుద్యోగులకు టామ్కామ్ శుభవార్త చెప్పింది. ఫిజీ (Fiji) దేశంలో ఉద్యోగాల భర్తీకి ఇంటర్వ్యూలు నిర్వహించనున్నట్లు తెలిపింది. తెలంగాణ ఓవర్సీస్ మ్యాన్పవర్ కంపెనీ లిమిటెడ్ (టామ్కామ్) ఫిజీ దీవులలో ఉద్యోగ అవకాశాల కోసం దరఖాస్తులను ఆహ్వానిస్తోంది.
ఎఫ్ఎంసీజీ స్టోర్ మేనేజర్, ప్యానెల్ బీటర్, ఫోర్క్లిఫ్ట్ మెకానిక్, వాచ్ టెక్నీషియన్, బేకర్, పేస్ట్రీ బేకర్ వంటి ఉద్యోగాలు ఉన్నాయన్ని టామ్కామ్ పేర్కొంది. కనీసం మూడేళ్ల నుంచి ఐదేళ్ల అనుభవం ఉన్న వారు దరఖాస్తు చేసుకోవడానికి అర్హులు. 25 నుంచి 45 ఏళ్లలోపు వయసు ఉండాలి. ఆసక్తి, అర్హత గల అభ్యర్థులు తమ రెజ్యూమ్లను tomcom.resume@gmail.com కు పంపాలి. మరిన్ని వివరాల కోసం 9440052592, 9440048590, 9440051452 నంబర్లను సంప్రదించాలని టామ్కామ్ ఒక ప్రకటనలో తెలిపింది. http://tomcom.telangana.gov.in వెబ్సైట్లో కూడా పూర్తి వివరాలు ఉన్నట్లు పేర్కొంది.
Tomcom | నిరుద్యోగులకు అండగా టామ్కామ్
ఏజెంట్ల మాయలో పడి మోసపోకుండా టామ్కామ్ నిరుద్యోగులకు అండగా ఉంటుంది. విదేశాల్లో ఉద్యోగాల (Jobs in Foreign) కోసం నిరుద్యోగులను నేరుగా ఎంపిక చేస్తోంది. ఆయా దేశాలతో ఒప్పందాలు చేసుకొని ఇంటర్వ్యూ ద్వారా జాబ్లకు ఎంపిక చేస్తోంది. దీంతో ఏజెంట్ల మోసాలకు కొంత మేర చెక్ పడింది. ఇటీవల జపాన్లో ఉద్యోగాలకు (Jobs in Japan) సైతం టామ్కామ్ దరఖాస్తులు స్వీకరించింది.
