అక్షరటుడే, వెబ్డెస్క్ : Spot Admissions | రాష్ట్ర ప్రభుత్వం నిజామాబాద్ జిల్లాలోని తెలంగాణ విశ్వ విద్యాలయం (Telangana University)లో ఈ ఏడాది కొత్తగా ప్రభుత్వ ఇంజినీరింగ్ కాలేజీ (Engineering College) ఏర్పాటు చేసిన విషయం తెలిసిందే. కాలేజీలో ఆర్టిఫిషియల్ ఇంటలిజెన్స్, ఇన్ఫర్మేషన్ టెక్నాలజీ, డాటా సైన్స్ కోర్సుల్లో ప్రవేశాలు తీసుకుంటున్నారు.
కాలేజీ ఏర్పాటు చేస్తూ ప్రభుత్వం మొదటి విడత కౌన్సెలింగ్ ప్రక్రియ పూర్తయిన తర్వాత ప్రకటన చేసింది. దీంతో కాలేజీలో సీట్లు భర్తీ కాలేదు. ఈ క్రమంలో స్పాట్ అడ్మిషన్లకు అవకాశం కల్పిస్తూ తెలంగాణ రాష్ట్ర టెక్నికల్ ఎడ్యుకేషన్ కమిషనర్, అడ్మిషన్స్ కన్వీనర్ టీజీఈఏపీసెట్ ఉత్తర్వులు జారీ చేసింది. ఈ నెల 26, 28, 29 తేదీల్లో స్పాట్ అడ్మిషన్లు తీసుకుంటామని, అర్హులైన అభ్యర్థులు హాజరు కావాలని కాలేజీ అధికారులు సూచించారు.
Spot Admissions | వీరు అర్హులు
తెలంగాణ విశ్వవిద్యాలయ ఇంజనీరింగ్ కళాశాలలో ఖాళీగా ఉన్న కంప్యూటర్ సైన్స్ అండ్ ఇంజనీరింగ్ కోర్సుల్లో స్పాట్ అడ్మిషన్ పొందడానికి ఈఏపీసెట్ రాసిన అభ్యర్థులు అర్హులు. అలాగే ఇంటర్లో ఎంపీసీ చదివిన విద్యార్థులు సైతం ప్రవేశాలు పొందవచ్చు. ఇప్పటికే ఇతర కాలేజీల్లో సీటు పొందిన వారు దీనికి అర్హులు కారు. స్పాట్ అడ్మిషన్లలో ఈడబ్ల్యూఎస్ రిజర్వేషన్ (EWS Reservation) వర్తించదు. అలాగే వీరికి ఫీజు రియింబర్స్మెంట్ వర్తించదు. పూర్తి వివరాలకు తెలంగాణ యూనివర్సిటీ వెబ్సైట్ను సంప్రదించాలని అధికారులు సూచించారు.
