అక్షరటుడే, వెబ్డెస్క్ : Weather | ఈ ఏడాది నైరుతి రుతుపవనాలు (Southwest monsoon) ముందుగానే ప్రవేశించడంతో వర్షాలు(Rains) పడుతున్నాయి. రుతుపవనాలు రాకముందు కూడా అకాల వర్షాలు కురిశాయి. మే నెల వర్షాకాలాన్ని తలపించింది. దీంతో రైతులు (Farmers) వానాకాలం సాగుకు సన్నద్ధం అవుతున్నారు. ఈ క్రమంలో వాతావరణ శాఖ అధికారులు రానున్న రోజుల్లో వర్ష సూచన వివరాలు వెల్లడించారు.
తెలంగాణ (Telangana june weather)లో జూన్ 4 నుంచి 6 మధ్య కొన్ని ప్రాంతాల్లో అడపాదడపా వర్షాలు (10-25 మి.మీ) కురిసే అవకాశం ఉంది. వేడి ఎక్కువగా ఉంటుంది.
జూన్ 7-11 మధ్య వాతావరణం వేడిగా, ఉక్కపోత ఉంటుంది. కానీ సాయంత్రం – రాత్రి సమయంలో అక్కడక్కడ బలమైన ఉరుములు మెరుపులతో కూడిన వర్షాలు (30-55 మి.మీ) పడు ఛాన్స్ ఉంది.
జూన్ 11 నుంచి 17 మధ్య ఉష్ణోగ్రతలు గణనీయంగా తగ్గుతాయి. అల్పపీడనం ఏర్పడి రాష్ట్రవ్యాప్తంగా వర్షాలు కురిసే అవకాశం ఉంది. ఈ మేరకు రైతులు సాగు పనుల ప్రణాళిక సిద్ధం చేసుకోవాలని అధికారులు సూచించారు.
