4
అక్షరటుడే, నిజామాబాద్ సిటీ: Wine shops | జిల్లాలో మద్యం షాపులను గురువారం మూసి ఉంచాలని సీపీ సాయిచైతన్య (CP Sai Chaitanya) ఆదేశాలు జారీ చేశారు. ఈ మేరకు బుధవారం ప్రకటన విడుదల చేశారు.
కమిషనరేట్ పరిధిలో వివిధ ప్రాంతాల్లో గణేష్ నిమజ్జన శోభాయాత్ర (Ganesh Nimajjanam) జరుగనున్న నేపథ్యంలో ఆయా ప్రాంతాల్లో మద్యం దుకాణాలు మూసిఉంచేలా చూడాలని ఆయా పోలీస్స్టేషన్ల అధికారులకు ఆయన ఆదేశాలిచ్చారు.
Wine shops | 4వ తేదీన ఉదయం నుంచి..
గణేష్ నిమజ్జన కార్యక్రమాలు ఉన్నందున 4వ తేదీ ఉదయం ఆరు గంటల నుంచి 5వ తేదీ ఉదయం 6 గంటల వరకు మద్యం దుకాణాలు, బార్లు మూసిఉంచాలని ఆయన పేర్కొన్నారు. నిమజ్జన శోభాయాత్రలను ప్రశాంతంగా జరుపుకునేలా కట్టుదిట్టమైన చర్యలు తీసుకున్నామన్నారు. దీంట్లో భాగంగానే మద్యం దుకాణాలను మూసి ఉంచుతున్నట్లు ఆయన స్పష్టం చేశారు.
