Smart Phone | రూ.5 వేల‌కే అదిరిపోయే ఫీచ‌ర్స్‌తో నయా ఫోన్​.. మార్కెట్‌లో లాంఛ్​ అయిన దేశీ బ్రాండ్..

12

అక్షరటుడే, వెబ్​డెస్క్: Smart Phone | ప్రపంచంలో స్మార్ట్‌ఫోన్(Smart Phone) యుగం నడుస్తోంది. కాగా.. తక్కువ బడ్జెట్‌లో మంచి ఫీచర్లు ఉన్న ఫోన్ కోసం ఎదురు చూస్తున్నవారికి ఇది నిజంగా శుభవార్త. దేశీయంగా అభివృద్ధి చేసిన కొత్త బ్రాండ్ AI+ మార్కెట్‌లోకి అడుగుపెట్టింది. ఈ బ్రాండ్‌ను రియల్‌మీ మరియు హానర్ ఇండియా మాజీ సీఈవో మాధవ్ సేథ్ ప్రారంభించిన Nxt Quantum Shift Technologies సంస్థ తీసుకొచ్చింది. దీనిని రెండు మోడళ్లలో లాంచ్ చేశారు. ఒక‌టి AI+ పల్స్ (4G ఫోన్) కాగా, మ‌రొక‌టి AI+ నోవా (5G ఫోన్).

Smart Phone | బెస్ట్ ఫోన్స్..

ఈ ఫోన్లు అత్యంత తక్కువ ధరలో అంద‌రికీ అందుబాటులో ఉండేలా రూపొందించబడ్డాయి. ఇవి బడ్జెట్ ధరలోనే ఉన్నా, ప్రీమియం లుక్, మంచి పనితీరు, డేటా భద్రత దృష్ట్యా వినియోగదారులకు ఉత్తమ అనుభూతిని ఇవ్వనున్నాయి. ఈ మొబైల్ ప్రాసెసర్ & డిస్‌ప్లే విష‌యానికి వ‌స్తే.. AI+ పల్స్ (4G) – Unisoc T615 ప్రాసెసర్, AI+ నోవా (5G) – Unisoc T8200 ప్రాసెసర్ క‌లిగి ఉంటుంది. ఏఐ ప్లస్ పల్స్, ఏఐ ప్లస్ నోవా రెండు ఫోన్లలోనూ 6.7 అంగుళాల హెచ్​డీ ప్లస్ డిస్​ప్లే ఉంటుంది. 90Hz, 120Hz రిఫ్రెష్ రేటు సపోర్ట్ చేస్తాయని చెప్పుకొచ్చారు. ఏఐ ప్లస్ పల్స్ ఫోన్‌లో Unisco T615, నోవా 5జీలో Unisco T8200 ప్రాసెసర్ ఉంటుందని కూడా తెలియ‌జేశారు.

ఇక కెమెరా విష‌యానికి వ‌స్తే.. రేర్ కెమెరా: 50MP, ఫ్రంట్ కెమెరా: 5MP ఉంటుంది. బ్యాటరీ: 5000mAh. ఛార్జింగ్ విషయానికి వస్తే 18W ఫాస్ట్ ఛార్జింగ్. AI+ పల్స్ (4G)లో 4GB + 64GB – ₹4,999 కాగా, 6GB + 128GB – ₹6,999. జులై 12 నుంచి ఫ్లిప్‌కార్ట్ ద్వారా వీటిని కొనుగోలు చేసే అవ‌కాశం ఉంది. AI+ నోవా (5G) విష‌యానికి వ‌స్తే.. 6GB + 128GB – ₹7,999 కాగా, 8GB + 128GB – ₹9,999గా ఉన్నాయి. ఇవి జులై 13 నుండి ఇవి అందుబాటులోకి రానున్నాయి. బ్లాక్, బ్లూ, గ్రీన్, పింక్, పర్పుల్ రంగుల‌లో అందుబాటులో ఉంటాయి. OS విష‌యానికి వ‌స్తే.. Android 15 ఆధారిత NxtQ OS. భారత మార్కెట్‌ను లక్ష్యంగా తీసుకొని ఈ ఫోన్‌ని రూపొందించిన‌ట్టు తెలుస్తుంది. ఈ ఫోన్లు ప్రధానంగా బడ్జెట్ కస్టమర్ల కోసం మంచి ఎంపికగా మారే అవకాశం ఉంది.