అక్షరటుడే, ఆర్మూర్ : African Migrant Boat | ఆఫ్రికన్ వలసదారులతో వెళ్తున్న ఓ పడవ యెమెన్ తీరంలో బోల్తాపడింది. ఈ విషాద ఘటనలో 68 మంది ప్రాణాలు కోల్పోగా, 74 మంది గల్లంతు అయిన‌ట్టు తెలుస్తోంది. ఈ ఘటన ఆదివారం దక్షిణ యెమెన్‌లోని అబ్యాన్ ప్రావిన్స్‌కు (Abyan Province) సమీపంలో చోటు చేసుకున్నదని ఐక్యరాజ్య సమితి వలసల సంస్థ (IOM) వెల్లడించింది. ప్రమాదానికి గురైన పడవలో మొత్తం 154 మంది ప్రయాణికులు ఉన్నారు. వీరిలో చాలా మంది ఇథియోపియా (Ethiopia) దేశానికి చెందిన వలసదారులు, వారు ఉపాధి కోసం గల్ఫ్ దేశాలైన సౌదీ అరేబియా, UAE వంటి దేశాలకు ప్రయాణిస్తున్నట్లు సమాచారం.
African Migrant Boat | ఘోర విషాదం..
వీరిలో ఇప్పటివరకు కేవలం 10 మందినే రక్షించగలిగామని, వారిలో తొమ్మిది మంది ఇథియోపియన్లు, ఒకరు యెమెన్‌కు చెందిన వ్యక్తి అని యెమెన్ ఆరోగ్య శాఖ అధికారి అబ్దుల్ ఖాదిర్ బజమీల్ (Abdul Qadir Bazmeel) తెలిపారు. మిగిలిన వారి ఆచూకీ ఇప్పటికీ తెలియదని చెప్పారు. సభ్యరాష్ట్రాలకు చెందిన వలసదారులు తరచూ ఈ సముద్ర మార్గాన్ని ఉపయోగిస్తూ ప్రమాదాలకు గురవుతున్నారు. IOM ప్రకారం, ఇది ప్రపంచంలోని అత్యంత ప్రమాదకర వలస మార్గాల్లో ఒకటి. 2024 నుండి ఇప్పటి వరకు 60,000 మందికి పైగా వలసదారులు ఈ మార్గాన్ని ఎంచుకున్నట్లు IOM తెలిపింది. గతేడాది మాత్రమే ఈ మార్గంలో 558 మంది ప్రాణాలు కోల్పోయారు. గత పదేళ్లలో ఈ మార్గంలో 2,082 మంది గల్లంతు కాగా, 693 మంది మృతి చెందారని గణాంకాలు చెబుతున్నాయి.
సాధికార సంస్థలు ఎప్పటికప్పుడు హెచ్చరికలు జారీ చేస్తున్నప్పటికీ, ఉపాధి కోసం తమ జీవితాలను పణంగా పెట్టి వలసదారులు ఇంకా ఇదే మార్గాన్ని ఎంచుకుంటున్నారు. హార్న్ ఆఫ్ ఆఫ్రికా ప్రాంతంలోని ఇథియోపియా, ఎరిట్రియా వంటి దేశాల్లో నెలకొన్న తీవ్రమైన ఆర్థిక ఇబ్బందులు, కరవు, అంతర్యుద్ధ పరిస్థితుల వ‌ల‌న ప్ర‌జ‌లు త‌ప్పని ప‌రిస్థితుల‌లో సౌదీ అరేబియా (Saudi Arabia) వంటి సంపన్న దేశాలకు వలస వెళ్లాల్సి వ‌స్తుంది. ఈ క్రమంలో వారు యెమెన్‌ను (Yemen) ఒక రవాణా మార్గంగా గత పదేళ్లుగా ఎంచుకుంటూ వ‌స్తున్నారు. బతుకు పోరాటంలో వలసదారులు రిస్క్‌లు చేసి ప్రాణాలు కోల్పోతున్నారు.
