ACB Raids | ఏసీబీ దూకుడు.. ఎంత మంది చిక్కారంటే?

4

అక్షరటుడే, వెబ్​డెస్క్ : ACB Raids | ఏసీబీ (ACB) అధికారులు దూకుడు పెంచారు. నిత్యం తనిఖీలు చేపడుతూ అవినీతి అధికారుల పని పడుతున్నారు. సెప్టెంబర్​లో ఏకంగా 22 మంది ఏసీబీకి చిక్కారు.

సెప్టెంబర్​లో అవినీతి నిరోధక శాఖ అధికారులు మొత్తం 23 కేసులు నమోదు చేసింది. వీటిలో 11 ట్రాప్ కేసులు, 2 అసమాన ఆస్తుల (DA) కేసులు, 2 క్రిమినల్ దుష్ప్రవర్తన కేసులు, 6 రెగ్యులర్ ఎంక్వైరీలు, 2 ఆకస్మిక తనిఖీలు ఉన్నాయి. ఒక ఔట్ సోర్సింగ్ ఉద్యోగితో సహా 22 మంది ప్రభుత్వ ఉద్యోగులను అరెస్టు చేసి జ్యుడీషియల్ కస్టడీకి తరలించారు. వివిధ విభాగాల ట్రాప్ కేసుల్లో రూ.8,91,000/- మొత్తాన్ని స్వాధీనం చేసుకున్నారు. అక్రమాస్తుల కేసులో రూ.14 కోట్ల విలువైన ఆస్తులను గుర్తించారు.

ACB Raids | మొత్తం 203 కేసులు

ఈ ఏడాది జనవరి నుంచి సెప్టెంబర్​ వరకు ఏసీబీ మొత్తం203 కేసులను నమోదు చేసింది. అందులో 119 ట్రాప్ కేసులు (Trap Case), 13 అసమాన ఆస్తుల కేసులు, 20 క్రిమినల్ దుష్ప్రవర్తన కేసులు, 25 రెగ్యులర్ ఎంక్వైరీలు, 23 ఆశ్చర్యకరమైన తనిఖీలు, 3 ఎంక్వైరీలు ఉన్నాయి. 15 మంది ఔట్​ సోర్సింగ్ ఉద్యోగులు/ప్రైవేట్ వ్యక్తులతో సహా 189 మంది ప్రభుత్వ ఉద్యోగులను జ్యుడీషియల్ కస్టడీకి తరలించింది. సెప్టెంబర్​లో 25 కేసులను ఖరారు చేసి ప్రభుత్వానికి తుది నివేదికలను పంపింది.

ACB Raids | లంచం అడిగితే ఫోన్​ చేయండి

ప్రజలు అధికారులకు లంచాలు ఇవ్వొద్దని ఏసీబీ అధికారులు సూచిస్తున్నారు. ఎవరైనా లంచం అడిగితే భయపడకుండా ఏసీబీకి ఫోన్​ చేయాలని చెబుతున్నారు. 1064 టోల్​ ఫ్రీ నంబర్ (ACB Toll Free Number)​, వాట్సాప్ నంబర్​ 9440446106కు సమాచారం అందిస్తే అవినీతి అధికారుల పని పడతామని భరోసా ఇస్తున్నారు.ఎంత మొత్తం లంచం అడిగినా.. వస్తు రూపంలో బహుమతులు అడిగినా తమకు ఫిర్యాదు చేయాలని కోరుతున్నారు.