ACB raids | ఆర్మూర్​ మున్సిపల్​లో ఏసీబీ సోదాల కలకలం

అక్షరటుడే, ఆర్మూర్​: ACB raids | ఆర్మూర్​ మున్సిపల్​లో ఏసీబీ దాడులు కలకలం సృష్టించాయి. మున్సిపల్​ కమిషనర్​ రాజు ఇంట్లో సోదాలు చేసినట్లు సమాచారం.

వివరాల్లోకి వెళ్తే.. కమిషనర్​ రాజు (Aamoor Municipal Commissioner Raju) ఏసీబీకి పట్టుబడినట్లు సమాచారం. ఓ బిల్డింగ్​ పర్మిషన్​ (building permit) విషయంలో దరఖాస్తు దారుడి నుంచి లంచం డిమాండ్​ చేసినట్లు తెలిసింది. దీంతో సదరు వ్యక్తి ఏసీబీని ఆశ్రయించారు. గురువారం పట్టణంలోని యోగేశ్వర కాలనీలోని తన నివాసంలో మున్సిపల్​ కమిషనర్​ డబ్బులు తీసుకుంటుండగా.. అనిశా అధికారులు రెడ్​ హ్యాండెడ్​గా పట్టుకున్నట్లు సమాచారం. ఘటనకు సంబంధించిన పూర్తి వివరాలు తెలియాల్సి ఉంది.