అక్షరటుడే, వెబ్డెస్క్ : ACB Trap | లంచం తీసుకుంటూ ఓ లైన్మన్ (Lineman) ఏసీబీకి చిక్కాడు. ట్రాన్స్ఫార్మర్ (Transformer) ఏర్పాటు కోసం లంచం డిమాండ్ చేయగా.. అధికారులు వల పన్ని పట్టుకున్నారు.
నాగర్ కర్నూల్ (Nagar Kurnool) జిల్లా వంగూర్ మండలం మాచినోనిపల్లి లైన్మన్ తోట నాగేంద్రను మంగళవారం ఏసీబీ అధికారులు రెడ్ హ్యాండెడ్గా పట్టుకున్నారు. ఓ వ్యక్తి వ్యవసాయ భూమిలో ట్రాన్స్ఫార్మర్ ఏర్పాటు చేయడానికి లైన్మన్ రూ.15 వేల లంచం డిమాండ్ చేశాడు. దీంతో బాధితుడు ఏసీబీ అధికారులకు ఫిర్యాదు చేశాడు. ఈ మేరకు మంగళవారం బాధితుడి నుంచి రూ.15 వేల లంచం తీసుకుంటుండగా ఏసీబీ అధికారులు లైన్మన్ నాగేంద్రను పట్టుకున్నారు. అతనిపై కేసు నమోదు చేసి అరెస్ట్ చేశారు.
ACB Trap | లంచం ఇవ్వొద్దు
ప్రజలు అధికారులకు లంచాలు ఇవ్వొద్దని ఏసీబీ అధికారులు సూచిస్తున్నారు. ఎవరైనా లంచం అడిగితే భయపడకుండా ఏసీబీకి ఫోన్ చేయాలని చెబుతున్నారు. 1064 టోల్ ఫ్రీ నంబర్ (ACB Toll Free Number), వాట్సాప్ నంబర్ 9440446106కు సమాచారం అందిస్తే అవినీతి అధికారుల పని పడతామని భరోసా ఇస్తున్నారు.ఎంత మొత్తం లంచం అడిగినా.. వస్తు రూపంలో బహుమతులు అడిగినా తమకు ఫిర్యాదు చేయాలని కోరుతున్నారు.
ఏసీబీకి ఫిర్యాదు చేస్తే తర్వాత తమ పనులు కావేమోనని పలువురు భయపడుతున్నట్లు తమ దృష్టికి వచ్చిందని అధికారులు తెలిపారు. ఎలాంటి భయం వద్దని, ఆ పని పూర్తయ్యే వరకు బాధితులకు ఏసీబీ అండగా ఉంటుందని అధికారులు భరోసా ఇస్తున్నారు. ఫిర్యాదు చేసిన వారి వివరాలు గోప్యంగా ఉంచుతామన్నారు.
