అక్షరటుడే, వెబ్డెస్క్ : Itel A90 | వినియోగదారులు ఎప్పటికప్పుడు కొత్త ఫోన్స్ వాడేందుకు ఉత్సాహం చూపుతున్నారు. ఈ క్రమంలోనే రకరకాల ఫోన్స్ మార్కెట్లోకి లాంచ్ అవుతున్నాయి. తాజాగా భారత మార్కెట్లో ‘ఐటెల్ A90’ లాంఛ్ అయింది. ఈ ఫోన్లో కంపెనీ 4GB ర్యామ్తో 64GB, 128GB స్టోరేజ్ ఆప్షన్స్ కూడా ఇవ్వడం విశేషం. ఫోన్లోని ప్రాసెసర్ కోసం Unisoc T7100 చిప్సెట్ అమర్చింది. దీన్ని రూ.7,000 కంటే తక్కువ ధరకే లాంఛ్ చేసింది. ఈ బడ్జెట్ స్మార్ట్ఫోన్లో వినియోగదారులకు 15W ఫాస్ట్ ఛార్జింగ్ సపోర్ట్తో 5000mAh బ్యాటరీ, 13MP మెయిన్ కెమెరా లభిస్తాయి. ఈ ఫోన్ స్క్రీన్పై డైనమిక్ బార్ ఫీచర్ కూడా ఉంది.
Itel A90 | ఓ సారి ట్రై చేయండి..
దీని ద్వారా బ్యాటరీ ఛార్జింగ్, ఇన్ కమింగ్ కాల్స్, మ్యూజిక్ ప్లేబ్యాక్ వంటి ముఖ్యమైన సమాచారాన్ని డిస్ప్లేలో చూసే అవకాశం ఉంటుంది. మరోవైపు నోటిఫికేషన్లు(Notifications), అలర్ట్స్ను ఒకే చోట అందించడంలో సహాయపడుతుంది. ఇక ఈ ఫోన్ ఫీచర్స్ విషయానికి వస్తే.. డిస్ప్లే: ఇది ఆల్వేస్ ఆన్ డిస్ప్లే సపోర్ట్తో 90Hz రిఫ్రెష్ రేట్తో వస్తుంది. ప్రాసెసర్ కోసం ఆక్టా-కోర్ యూనిసోక్ T7100 SoC చిప్సెట్ను కలిగి ఉంది. ఇది 4GB RAMతో వస్తుంది. ఈ ఫోన్లో 8GB వరకు వర్చువల్ RAM సపోర్ట్ కూడా ఉంది. ఫోన్ 5000mAh బ్యాటరీని కలిగి ఉంది. ఇది 15W ఫాస్ట్ ఛార్జింగ్కు సపోర్ట్ చేస్తుంది. అయితే కంపెనీ ఈ ఫోన్ బాక్స్లో 10W ఫాస్ట్ ఛార్జర్ మాత్రమే అందిస్తుంది.
ఈ ఫోన్ ఆండ్రాయిడ్ 14 గో ఎడిషన్ ఆధారంగా ఐటెల్ OS 14పై నడుస్తుంది. ఈ ఫోన్ 36 నెలల పాటు ఎటువంటి లాగింగ్ ఇష్యూ ఉండదని కంపెనీ పేర్కొంది. ఐవానా 2.0 అనే స్మార్ట్ AI అసిస్టెంట్ ఫీచర్ను కూడా కలిగి ఉంది. ఇది డాక్యుమెంట్స్ను ట్రాన్స్లేట్ చేయడం, లోకల్ గ్యాలరీ నుంచి ఇమేజ్లను ఎక్స్ప్లెయిన్ చేయడం, వాట్సాప్ వాయిస్ అండ్ వీడియో కాల్స్, మ్యాథమెటికల్ ప్రాబ్లమ్స్ను పరిష్కరించడం వంటి పనులను చేస్తుందట. అలానే DTS సౌండ్ టెక్నాలజీకి సపోర్ట్ చేస్తుంది. ఫోన్ వెనుక భాగంలో 13MP కెమెరా ఉంది. అదే సమయంలో 8MP ఫ్రంట్ కెమెరా ఉంది. ఫోన్ డస్ట్ అండ్ స్ప్లాష్ రెసిస్టెంట్ కోసం IP54 రేటింగ్ను కలిగి ఉంది. 4GB RAM + 64GB స్టోరేజ్ ధర: రూ. 6,499గా ఉండగా, 4GB RAM + 128GB స్టోరేజ్ ధర: రూ. 6,999 గా ఉంది.
