Nizamabad | ఇంటి ముందు మహిళ ముగ్గు వేస్తుండగా.. చైన్​ లాక్కుని పారిపోయిన దుండగులు

అక్షరటుడే, నిజామాబాద్​ సిటీ : Nizamabad | తెల్లవారు జామున ఇంటి ముందు ముగ్గు వేస్తున్న మహిళ మెడలో నుంచి దుండగులు చైన్​ లాక్కుని పారిపోయారు. ఈ ఘటన నిజామాబాద్​ (Nizamabad) నగరంలోని నాలుగో టౌన్​ పరిధిలో బుధవారం ఉదయం జరిగింది. వివరాల్లోకి వెళ్తే.. నగరంలోని వినాయక్​నగర్​ (Vinayaknagar) ప్రాంతంలో బుధవారం తెల్లవారు జామున స్వరూప అనే మహిళ ఇంటి ముందు ముగ్గు వేస్తోంది.

ఈ సమయం ఇద్దరు దుండగులు బైకుపై వచ్చారు. ఆమె మెడలోని రెండు తులాల బంగారు గొలుసు (Gold Chain) ను తెంపుకుని పారిపోయారు. బాధితులు పోలీసులకు సమాచారం ఇవ్వడంతో నాలుగోటౌన్​ ఎస్​హెచ్​వో సతీశ్​ (4th Town SHO Satish) ఘటనా స్థలానికి చేరుకుని పరిశీలించారు. ఘటనపై విచారణ చేపట్టారు. సీసీ కెమెరాల ఆధారంగా దర్యాప్తు చేస్తున్నారు.