అక్షరటుడే, వెబ్​డెస్క్:Miss World | హైదరాబాద్​లో మిస్​ వరల్డ్​ పోటీలు(Miss World competitions) శనివారం నుంచి ప్రారంభం కానున్నాయి. ఇప్పటికే 111 దేశాల అందగత్తెలు హైదరాబాద్​(Hyderabad) చేరుకున్నారు. తాజాగా మిస్‌ వరల్డ్‌ పిస్కోవా(Miss World Piskova) శంషాబాద్​ చేరుకోగా ఆమెకు అధికారులు ఘన స్వాగతం పలికారు. మరోవైపు శనివారం జరిగే మిస్​ వరల్డ్​ ప్రారంభ వేడుకల కోసం పోటీదారులు సిద్ధం అవుతున్నారు. ఇందుకోసం హైదరాబాద్​లోని గచ్చిబౌలి స్టేడియం(Gachibowli Stadium)లో రిహార్సల్స్ చేస్తున్నారు. ఈవెంట్ కో–ఆర్డినేటర్ల మార్గదర్శకత్వంలో పలు కార్యక్రమాలు చేపట్టారు. కాగా దేశంలో ఉద్రిక్తతల నేపథ్యంలో మిస్​ వరల్డ్​ పోటీలు జరిగే ప్రాంతాలు, అతిథులు బస చేసే హోటళ్ల వద్ద భద్రత కట్టుదిట్టం చేశారు. రేపు ప్రారంభోత్సవ వేడుకల్లో భారతీయ, అంతర్జాతీయ సాంస్కృతిక ప్రదర్శనలు ఉంటాయి.