అక్షరటుడే, వెబ్​డెస్క్​: Telangana Police Department |తెలంగాణ పోలీస్​ శాఖ(Telangana Police Department) కీలక నిర్ణయం తీసుకుంది. హోంగార్డు(Home Guards) మొదలుకొని ఐపీఎస్ (IPS Officers)​ స్థాయి వరకు విధుల్లో అందుబాటులో ఉండాలని సూచించింది. అలాగే సెలవులను పూర్తిగా రద్దు చేసింది. ఈ మేరకు హోంశాఖ మెమో జారీ(Home Ministry memo issued) చేసింది.

కాగా.. భారత్​, పాక్​ మధ్య తీవ్ర ఉద్రిక్త పరిస్థితులు నెలకొన్న విషయం తెలిసిందే. పహల్గామ్​ ఘటన(Pahalgam terror Attack) తర్వాత ప్రతీకార చర్యగా భారత సైన్యం ఉగ్రవాదులను మట్టుబెట్టింది. పాక్​ భూభాగంలోకి చొరపబడి ఎయిర్​ స్టైక్(Air strike) చేసింది. ఈ ఘటనలో 100 మంది ఉగ్రవాదులు మృతి చెందినట్లు ప్రచారం జరుగుతోంది. తిరిగి పాక్​ నుంచి ప్రతీకార దాడులు ఉండే అవకాశాలు ఉండడంతో కేంద్రం అన్ని రాష్ట్రాలను అలర్ట్​ చేసింది.

ఈ సందర్భంగా సీఎం రేవంత్ రెడ్డి(CM Revanth Reddy) పోలీసు ఉన్నతాధికారులతో ప్రత్యేకంగా భేటీ అయ్యారు. హైదరాబాద్​లో ఆర్మీకి సంబంధించి బెటాలియన్​ కార్యాలయాలు (Army Battalion Office) ఉండడంతో భద్రతపై అధికారులతో సీఎం సమాలోచనలు చేశారు. పోలీస్​ సిబ్బంది మరింత అప్రమత్తంగా ఉండాలనే ఉద్దేశంతో పోలీసులకు సెలవులు రద్దు చేస్తూ కీలక నిర్ణయం తీసుకుంది.