అక్షరటుడే, వెబ్​డెస్క్ : Operation Sindoor | ఆపరేషన్​ సింధూర్​ ద్వారా.. భారత్​ తాను ఏం చేయగలదో ఉగ్రవాదులతో పాటు, దాయదీ దేశానికి చాటి చెప్పింది. ఉగ్రవాదాన్ని ఎట్టి పరిస్థితుల్లో సహించేదిలేదని ఆపరేషన్​ సింధూర్​ ద్వారా భారత్​ స్పష్టం చేసింది.

భారత్​ గతంలోలా కాకుండా ఉగ్రదాడి జరిగిన ప్రతిసారీ తీవ్రంగా స్పందిస్తుండటంతో దాయాదీ దేశం తలలు పట్టుకుంటోంది. పహల్గామ్​ ఉగ్రదాడి తర్వాత ప్రతీకారం కోసం చూస్తున్న భారత్​ ఎట్టకేలకు మంగళవారం అర్ధరాత్రి పీవోకేతో పాటు, పాకిస్తాన్​లోని ఉగ్రవాద శిబిరాలపై వైమానిక దాడులు చేసింది. ఉగ్రదాడులు చేస్తే తగిన బుద్ధి చెబుతామని తెలిసేలా భారత్​ ఇటీవల దాడులు చేస్తుంది. ఆపరేషన్​ సింధూర్ operation sindoor​ పేరిట చేసిన ఈ దాడుల్లో పలువురు ఉగ్రవాదులు మరణించినట్లు సమాచారం. మొత్తం ఉగ్రవాద శిబిరాలపై దాడులు చేసినట్లు భారత రక్షణ శాఖ difence ministry వర్గాలు తెలిపాయి.

Operation Sindoor | అప్పుడు సరిహద్దు దాటి

జమ్మూ కశ్మీర్​లోని ఉరిలో భారత ఆర్మీ స్థావరంపై 2016 సెప్టెంబర్ 18న జైషే – మహ్మద్ ఉగ్రవాదులు దాడి చేశారు. ఈ ఘటనలో 19మంది సైనికులు అమరులయ్యారు. ఉగ్రవాదులకు బుద్ది చెప్పేందుకు అదే ఏడాది సెప్టెంబర్ 28న రాత్రి భారత ఆర్మీ నియంత్రణ రేఖను దాటి ఉగ్రవాద శిబిరాలపై సర్జికల్ స్ట్రైక్ నిర్వహించింది.

Operation Sindoor | ఎయిర్​స్ట్రైక్స్​తో సమాధానం

జమ్మూ కశ్మీర్​లోని పుల్వామలో భారత సీఆర్​పీఎఫ్​ బలగాల కాన్వాయ్​పై 2019 ఫిబ్రవరి 14న ఉగ్రవాదులు ఆత్మాహుతి దాడి చేశారు. ఈ ఘటనలో 40 మంది సైనికులు మృతి చెందారు. దీనికి ప్రతీకారంగా భారత్​ 2019 ఫిబ్రవరి 26న పీవోకేలోని బాలకోట్, చకోతిలోని ఉగ్రవాద స్థావరాలపై వైమానిక దాడులు చేసింది. తాజాగా పహల్గామ్​ దాడికి ప్రతిచర్యగా పీవోకేతో పాక్​లోకి చొచ్చుకెళ్లి మరి దాడులు చేయడం గమనార్హం.