అక్షరటుడే, వెబ్డెస్క్ : BRS | సిర్పూర్ కాగజ్ నగర్ మాజీ ఎమ్మెల్యే కోనేరు కోనప్ప (Koneru Konappa) మళ్లీ సొంత గూటికి చేరారు. బీఆర్ఎస్ వర్కింగ్ ప్రెసిడెంట్ కేటీఆర్ (KTR) సమక్షంలో ఆయన గులాబీ కండువా కప్పుకున్నారు.
కోనేరుకు కోనప్ప 2014 ఎన్నికల్లో బీఎస్పీ (BSP) నుంచి పోటీ చేసి గెలుపొందారు. అనంతరం ఆయన బీఆర్ఎస్లో చేరారు. 2018 ఎన్నికల్లో సైతం బీఆర్ఎస్ నుంచి గెలుపొందారు. 2023 ఎన్నికల్లో మరోసారి పోటీ చేశారు. అయితే బీజేపీ (BJP) అభ్యర్థి పాల్వాయి హరీశ్ చేతిలో ఓడిపోయారు. అనంతరం ఆయన కాంగ్రెస్ పార్టీలో చేరారు.
BRS | ఆర్ఎస్ ప్రవీణ్పై కోపంతో..
అసెంబ్లీ ఎన్నికల సమయంలో ఆర్ఎస్ ప్రవీణ్కుమార్ బీఎస్పీ నుంచి కాగజ్నగర్లో పోటీ చేశారు. ఈ ఎన్నికల్లో బీజేపీ అభ్యర్థి హరీశ్బాబుకు 63,702 ఓట్లు రాగా.. కోనప్పకు 60,614 ఓట్లు వచ్చాయి. ఆర్ఎస్ ప్రవీణ్కుమార్ 44,646 ఓట్లు సాధించారు. అనంతరం ఆర్ఎస్ ప్రవీణ్కుమార్ బీఆర్ఎస్లో చేరిన విషయం తెలిసిందే. ఆయన పోటీ చేయడంతోనే తాను ఓడానని ఆగ్రహంగా ఉన్న కోనప్ప ప్రవీణ్కుమార్ బీఆర్ఎస్లో చేరడంపై అసంతృప్తి వ్యక్తం చేశారు. అనంతరం పార్లమెంట్ ఎన్నికలకు ముందు మంత్రి సీతక్క సమక్షంలో కాంగ్రెస్ (Congress)లో చేరారు.
BRS | పార్టీపై అసంతృప్తితో..
అధికార పార్టీలో చేరిన కోనప్ప కొంతకాలంగా అసంతృప్తితో ఉన్నారు. బహిరంగంగానే పార్టీపై విమర్శలు చేస్తున్నారు. పార్టీలో పరిస్థితులు ఘోరంగా ఉన్నాయని ఆయన వ్యాఖ్యలు చేశారు. దీంతో ఆయన పార్టీ మారుతారని కొంతకాలంగా ప్రచారం జరుగుతోంది. ఈ క్రమంలో తాజాగా కేటీఆర్, మాజీ మంత్రి హరీశ్రావు సమక్షంలో ఆయన బీఆర్ఎస్లో చేరారు.
