అక్షరటుడే, వెబ్డెస్క్ : Job Notification | రాష్ట్ర ప్రభుత్వం నిరుద్యోగులకు గుడ్ న్యూస్ చెప్పింది. విద్యుత్ సంస్థల్లో పలు పోస్టులను భర్తీ చేయాలని నిర్ణయించింది.
రాష్ట్రంలో విద్యుత్ శాఖ పరిధిలో ట్రాన్స్కో (Transco), జెన్కో, ఎన్పీడీసీఎల్ (NPDCL), ఎస్పీడీసీఎల్ ఉన్నాయి. గతంలో ఆయా సంస్థల్లో ఉద్యోగాల భర్తీకి విడివిడిగా నోటిఫికేషన్లు విడుదల చేసేవారు. ఇక నుంచి అన్ని సంస్థల్లో పోస్టుల భర్తీకి కామన్ నోటీఫికేషన్ జారీ చేయాలని ప్రభుత్వం నిర్ణయించింది. అభ్యర్థుల ప్రయోజనార్థం ఒకే నోటిఫికేషన్ జారీ చేయాలని నిర్ణయించినట్లు ప్రభుత్వం తెలిపింది.
Job Notification | మూడు వేల పోస్టులు
విద్యుత్ శాఖ పరిధిలో మొత్తం 3 వేల పోస్టులు భర్తీ చేయాలని ప్రభుత్వం భావిస్తోంది. ఈ మేరకు అధికారులు ఏర్పాట్లు చేస్తున్నారు. ఇప్పటికే ట్రాన్స్‌కోలో 122 ఖాళీలు ఉన్నట్లు గుర్తించారు. జెన్‌కోలో 283 పోస్టులు, ఎస్పీడీసీఎల్లో 135, ఎన్పీడీసీఎల్ (SPDCL)లో 394 ఖాళీలు గుర్తించారు. మొత్తం 934 ఖాళీల జాబితా సిద్ధం చేశారు. మిగతా ఖాళీలు, పోస్టుల వివరాలు సేకరించి ఒకేసారి మూడు వేల ఉద్యోగాల భర్తీకి నోటిఫికేషన్ ఇవ్వనున్నట్లు సమాచారం.
