అక్షరటుడే, బోధన్: Maggari Hanmandlu | బీఆర్ఎస్కు షాక్ తగిలింది. ఇటీవల పార్టీ నుంచి ఎమ్మెల్సీ కవితను సస్పెండ్ చేయడంతో ఆమె అనుచరులు పార్టీని వీడుతున్నారు. ఈ క్రమంలో జిల్లాలో బీఆర్ఎస్ (Brs Nizamabad) పార్టీలో తొలి రాజీనామా నమోదైంది.
Maggari Hanmandlu | తాజాగా నాళేశ్వర్ గ్రామం నుంచి..
బోధన్ నియోజకవర్గం (Bodhan Constituency) నవీపేట్ (navipet) మండలంలోని నాళేశ్వర్ గ్రామానికి చెందిన సొసైటీ ఛైర్మన్ మగ్గరి హన్మాండ్లు బీఆర్ఎస్ పార్టీ ప్రాథమిక సభ్యత్వానికి రాజీనామా చేశారు. ఆ లేఖను బీఆర్ఎస్ పార్టీ వర్కింగ్ ప్రెసిడెంట్ కేటీఆర్కు పంపారు.
Maggari Hanmandlu | జాగృతితోనే నా ప్రయాణం అంటూ..
ఈ సందర్భంగా మగ్గరి హన్మాండ్లు మాట్లాడుతూ తెలంగాణ జాగృతి అధ్యక్షురాలు కవిత వెంటే తాను ఉంటానని ఆయన పేర్కొన్నారు. కొన్నిరోజుల క్రితం బీఆర్ఎస్ నుంచి కవితను సస్పెండ్ చేయడంతో తాను ఈ నిర్ణయం తీసుకున్నట్లు పేర్కొన్నారు. కవితను అన్యాయంగా బీఆర్ఎస్ నుంచి తొలగించారని.. అందుకే కవిత వెంటే ఉండేందుకు బీఆర్ఎస్కు గుడ్బై చెప్పినట్లు తెలిపారు.
కాగా కాళేశ్వరం అవినీతిలో హరీశ్రావు, సంతోష్రావు పాత్ర ఉందని కవిత ఆరోపించిన విషయం తెలిసిందే. దీంతో పార్టీ వ్యతిరేక కార్యకలాపాలకు పాల్పడుతున్నారని ఆమెను పార్టీ నుంచి సస్పెండ్ చేశారు. అనంతరం ఆమె పార్టీ సభ్యత్వానికి, ఎమ్మెల్సీ పదవికి రాజీనామా చేశారు. ఈ క్రమంలో జిల్లాలోని ఆమె అనుచరులు బీఆర్ఎస్ను వీడుతున్నారు.
