అక్షరటుడే, వెబ్డెస్క్ : Kishan Reddy | జూబ్లీహిల్స్ (Jubilee Hills) ఉప ఎన్నికపై కేంద్ర మంత్రి కిషన్రెడ్డి కీలక వ్యాఖ్యలు చేశారు. అక్టోబర్, నవంబర్లో ఎన్నిక జరిగే అవకాశం ఉందని అన్నారు.
జూబ్లీహిల్స్ ఎమ్మెల్యేగా బీఆర్ఎస్ నుంచి గెలిచిన మాగంటి గోపినాథ్ (Maganti Gopinath) జూన్ 8న మరణించారు. దీంతో ఎన్నికల సంఘం ఆ స్థానానికి ఆరు నెలల్లోపు ఎన్నికలు నిర్వహించనుంది. బీహార్లో త్వరలో అసెంబ్లీ ఎన్నికలు జరగనున్నాయి. అప్పుడే జూబ్లీహిల్స్ ఉప ఎన్నిక నిర్వహించే అవకాశం ఉంది. ఈ క్రమంలో ఆ స్థానాన్ని గెలుచుకోవడం కోసం అన్ని పార్టీలు శ్రమిస్తున్నాయి.
Kishan Reddy | బీఆర్ఎస్ తరహాలోనే..
బీఆర్ఎస్ తరహాలోనే రేవంత్ పాలన సాగుతోందని కిషన్రెడ్డి విమర్శించారు. జూబ్లీహిల్స్ ఉప ఎన్నికపై బీజేపీ (BJP) బూత్‌ కమిటీల మీటింగ్ శనివారం నిర్వహించారు. ఈ సమావేశానికి బీజేపీ రాష్ట్ర అధ్యక్షుడు రాంచందర్రావు, కేంద్ర మంత్రి కిషన్రెడ్డి హాజరయ్యారు. ఈ సందర్భంగా ఆయన మాట్లాడుతూ.. తెలంగాణ ప్రజలు మార్పు కోరుకుంటున్నారన్నారు. బీసీల ఓట్లు అడిగే హక్కు కాంగ్రెస్‌కు లేదన్నారు. తెలంగాణలో డబుల్ ఇంజిన్ సర్కార్ రావాలని కిషన్రెడ్డి అన్నారు.
Kishan Reddy | బీజేపీకి కంచుకోట
హైదరాబాద్ (Hyderabad) బీజేపీకి కంచుకోట అని కిషన్రెడ్డి పేర్కొన్నారు. జీహెచ్ఎంసీ ఎన్నికల్లో 48 సీట్లు సాధించామని గుర్తుచేశారు. పార్లమెంట్‌ ఎన్నికలలో సైతం మంచి ఓట్లు సాధించినట్లు చెప్పారు. కాగా కాంగ్రెస్ ఆరు గ్యారెంటీలు అమలు చేశాకే ప్రజలను ఓట్లు అడగాలని ఆయన డిమాండ్ చేశారు. జూబ్లీహిల్స్ ఉప ఎన్నికలో కాంగ్రెస్, బీఆర్ఎస్కు గుణపాఠం చెప్పాలని రాంచందర్రావు అన్నారు.
Kishan Reddy | తీవ్రంగా శ్రమిస్తున్న పార్టీలు
జూబ్లీహిల్స్లో గెలుపు కోసం కాంగ్రెస్ (Congress), బీజేపీ శ్రమిస్తున్నాయి. ఇప్పటికే హైదరాబాద్ ఇన్ఛార్జి మంత్రి పొన్నం ప్రభాకర్ పలుమార్లు కార్యకర్తలతో సమావేశం నిర్వహించారు. అయితే ఈ స్థానం నుంచి టికెట్ ఆశించిన అజారుద్దీన్ను కాంగ్రెస్ ఎమ్మెల్సీగా ఎంపిక చేసింది. దీంతో టికెట్ ఎవరికి ఇస్తారనే ఉత్కంఠ నెలకొంది. కాంగ్రెస్ నేత ఫిరోజ్ ఖాన్ సైతం జూబ్లీహిల్స్ టికెట్ ఆశిస్తున్నారు.
బీజేపీ సైతం హైదరాబాద్లో సీటు గెలువాలని చూస్తోంది. గతంలో నగరంలో పార్టీకి మంచి పట్టు ఉండేది. అయితే ఈ అసెంబ్లీ ఎన్నికల్లో గోషామహాల్ స్థానాన్ని మాత్రమే కమలం పార్టీ గెలుచుకుంది. అక్కడి నుంచి గెలిచిన రాజాసింగ్ ఇటీవల పార్టీకి రాజీనామా చేశారు. దీంతో నగరంలో బీజేపీకి ఎమ్మెల్యేలు లేకుండా పోయారు. ఈ క్రమంలో జూబ్లీహిల్స్ స్థానంలో గెలవాలని ఆ పార్టీ శ్రమిస్తోంది.