అక్షరటుడే, ఇందూరు: Nizamabad Medical College | నిజామాబాద్ మెడికల్ కళాశాలలో నాలుగో సంవత్సరం చదువుతున్న విద్యార్థి రాహుల్​పై ర్యాగింగ్​​ ఘటన (Raging) ఉమ్మడి జిల్లాలో కలకలం సృష్టించిన విషయం తెలిసిందే. దీంతో అధికారులు ఎట్టకేలకు స్పందించారు. కళాశాలలో సోమవారం యాంటీ ర్యాగింగ్ కమిటీ సమావేశం నిర్వహించారు.

కళాశాల ప్రిన్సిపల్ కృష్ణమోహన్ నేతృత్వంలో జీజీహెచ్ (Nizamabad GGH) ఇన్​ఛార్జి సూపరింటెండెంట్​ రాములు, శ్రీనివాస్ రెడ్డి తదితర అధికారులు ఘటనపై సమీక్ష నిర్వహించారు. విద్యార్థి రాహుల్ తల్లిదండ్రులు సైతం యాంటీ ర్యాగింగ్​ కమిటీ ఎదుట హాజరయ్యారు.

రాహుల్​ తండ్రి ఫిర్యాదు మేరకు ఇప్పటికే ఒకటో టౌన్ పోలీస్ స్టేషన్​లో ఐదుగురుపై కేసు నమోదు చేశారు. ర్యాగింగ్ ఘటనను సీపీ సాయి చైతన్య (CP Sai Chaitanya) సీరియస్​గా తీసుకున్నారు.

Nizamabad Medical College | సీపీ సాయి చైతన్య సీరియస్​..

ర్యాగింగ్​ ఘటనపై పోలీసులు భారత న్యాయ సంహిత (BNS) 292, 115(2), 131 సెక్షన్లతో పాటు తెలంగాణ ర్యాగింగ్ నిషేధ చట్టం సెక్షన్ 4(1), 4(11) కింద కేసు నమోదు చేశారు. సబ్‌ఇన్‌స్పెక్టర్‌ భూకయ్య ఈ కేసు దర్యాప్తు చేపడుతున్నారు. కాగా.. బాధితుడికి న్యాయం చేయాలంటూ విద్యార్థి సంఘాల నాయకులు డిమాండ్​ చేస్తున్నారు. కాలేజీ అధికారులపై చర్యలు తీసుకోవాలని కోరుతున్నారు. దాడి చేసిన వారిపై పలు సెక్షన్లలో కేసులు నమోదు చేశారు.