అక్షరటుడే, వెబ్‌డెస్క్‌: Mahindra BE 6 | కార్ల విక్రయాల్లో మహీంద్రా & మహీంద్రా సంచలనం సృష్టించింది. ఆ సంస్థ తీసుకొచ్చిన కొత్త మాడల్ కారు (new model car) నిమిషాల వ్యవధిలోనే అమ్ముడుపోయాయి.
కేవలం 135 సెకన్లలో 999 కార్ల బుకింగ్(car bookings)లు పూర్తయ్యాయి. 79వ స్వాతంత్య్ర దినోత్సవం సందర్భంగా మహీంద్ర BE 6 బ్యాట్మ్యాన్ కలెక్టర్ ఎడిషన్ (Mahindra BE 6 Batman Collector Edition)ను లాంచ్ చేసింది.
దీనికి సంబంధించి శుక్రవారం ఉదయం 11:00 గంటలకు బుకింగ్ ల స్వీకరణను ప్రారంభించింది. తొలుత 300 యూనిట్లు విక్రయించాలని లక్ష్యం పెట్టుకోగా.. కొనుగోలుదారుల నుంచి విపరీతమైన డిమాండ్ వచ్చింది.
దీంతో కార్ల సంఖ్యను 999 కి పెంచింది. అయితే, బుకింగ్ ప్రారంభమైన 135 సెకన్లలోనే మొత్తం కార్లు అమ్ముడుపోయాయని మహీంద్ర ప్రకటించింది.
Mahindra BE 6 | ఆకట్టుకునే డిజైన్..
వార్నర్ బ్రదర్స్ (Warner Bros) డిస్కవరీ గ్లోబల్ కన్స్యూమర్ ప్రొడక్ట్స్ తో మహీంద్రా తీసుకొచ్చిన BE 6 బ్యాట్మన్ ఎడిషన్ ఇది. సినిమాటిక్ వారసత్వాన్ని అత్యాధునిక EV డిజైన్, మెరుగైన పనితీరుతో చూడగానే ఆకట్టుకుంటోంది.
ది డార్క్ నైట్ ట్రైలజీ నుంచి ప్రేరణ పొందిన ప్రత్యేక కలెక్టర్ మోడల్ BE 6 బ్యాట్మ్యాన్ ఎడిషన్ ధర రూ. 27.79 లక్షలు (ఎక్స్-షోరూమ్). సెప్టెంబరు 20 నుంచి ఈ లిమిటెడ్-ఎడిషన్ SUV (limited-edition SUV) వాహనాల డెలివరీలు ప్రారంభం కానున్నాయి.
Mahindra BE 6 | ప్రత్యేకతలెన్నో..
ప్యాక్ త్రీ ఆధారంగా రూపొందించబడిన బ్యాట్మన్ ఎడిషన్.. కస్టమ్ శాటిన్ బ్లాక్ బాడీ కలర్ను కలిగి ఉంది. ఆల్కెమీ గోల్డ్-పెయింటెడ్ సస్పెన్షన్, బ్రేక్ కాలిపర్లతో అందంగా తీర్చిదిద్దారు.
హబ్ క్యాప్లపై ఉంచిన బ్యాట్ సింబల్, ఫ్రంట్ క్వార్టర్ ప్యానెల్లు, వెనుక బంపర్, విండోస్, వెనుక విండ్షీల్డ్, ఇన్ఫినిటీ రూఫ్ ప్రొజెక్షన్, “BE 6 × ది డార్క్ నైట్” (BE 6 × The Dark Knight) వెనుక బ్యాడ్జింగ్తో పాటు ఎన్నో విలక్షణలు ఉన్నాయి.
డోర్లపై సిగ్నేచర్ బ్యాట్మన్ డెకాల్, R20 అల్లాయ్ వీల్స్, బ్యాట్ లోగోను ప్రొజెక్ట్ చేసే కార్పెట్ ల్యాంప్లు మరింత ఆకట్టుకుంటున్నాయి.
లోపల క్యాబిన్ చార్కోల్ లెదర్, స్వెడ్ అప్హోల్స్ రీలో సెపియా గోల్డ్ యాస స్టిచింగ్తో తీర్చిదిద్దారు. డాష్బోర్డుపై నంబరింగ్ తో కూడిన బ్యాట్మన్ ఎడిషన్ ప్లేక్ చూడటానికి ఎంతో అందంగా ఉంది.
గోల్డ్ యాక్సెంటెడ్ స్టీరింగ్ వీల్, ఎలక్ట్రానిక్ పార్కింగ్ బ్రేక్ (electronic parking brake, కస్టమ్ కీ ఫోబ్, బ్యాట్మన్ – ఎంబోస్డ్ బూస్ట్ బటన్, హెడ్రెస్ట్ ల వంటి ప్రీమియం వసతులు మంచి అనుభూతిని కలిగిస్తాయి.