అక్షరటుడే, బాన్సువాడ: Banswada | ఆర్టీసీ బస్సు (RTC bus) ఢీకొని ఒకరు మృతి చెందారు. ఈ ఘటన బాన్సువాడ మండలంలో గురువారం చోటు చేసుకుంది. స్థానికులు తెలిపిన వివరాల ప్రకారం.. బాన్సువాడ మండలంలోని (Banswada Mandal) బోర్లం క్యాంప్ శివారులో ఆర్టీసీ బస్సు టీవీఎస్ ఎక్సెల్​ను ఢీకొట్టింది.

ఈ సంఘటనలో బాన్సువాడ మండలం సోమ్లనాయక్ తండాకు (Somlanayak Thanda) చెందిన రమావత్ గోవింద్ మృతి చెందారు. రమావత్ రాములు పరిస్థితి విషమంగా ఉండడంతో నిజామాబాద్ (Nizamabad) ఆస్పత్రికి తరలించారు. మరో బైక్​పై ఉన్న ఇద్దరికి సైతం గాయాలయ్యాయి. బోర్లం క్యాంపు శివారులో పోలీసులు వాహనాలను తనిఖీ చేస్తుండడంతో వేరే మార్గం ద్వారా ద్విచక్ర వాహనదారులు వెళ్లే ప్రయత్నంలో కామారెడ్డికి వెళ్తున్న బస్సు ఢీకొట్టింది. అనంతరం గ్రామస్థులు గోవింద్​ మృతదేహంతో పోలీస్ స్టేషన్ ఎదుట రాస్తారోకో నిర్వహించారు. పోలీసులు సంఘటనా స్థలానికి చేరుకుని విచారణ చేస్తున్నారు.