అక్షరటుడే, వెబ్​డెస్క్ : ACB Trap | అవినీతి అధికారులు ఏ మాత్రం భయపడటం లేదు. ఏసీబీ అధికారులు నిత్యం దాడులు (ACB Raids) చేస్తున్నా.. లంచాలకు మరిగిన అధికారులు మారడం లేదు. డబ్బులు తీసుకోనిదే పనులు చేయడం లేదు. తాజాగా ఇంటి నంబర్​ కేటాయించడం కోసం లంచం డిమాండ్​ చేసిన సీనియర్​ అసిస్టెంట్​ను ఏసీబీ అధికారులు రెడ్​ హ్యాండెడ్​గా పట్టుకున్నారు.

రంగారెడ్డి (Rangareddy) జిల్లా తాండూరు మున్సిపల్ కార్యాలయంలో బి రమేశ్​ సీనియర్​ అసిస్టెంట్​గా పని చేస్తున్నాడు. మున్సిపల్​ పరిధిలో ఓ వ్యక్తి షెడ్డు నిర్మించుకున్నాడు. సదరు షెడ్డుకు ఇంటి నంబర్ (House Number)​ కోసం మున్సిపల్ కార్యాలయంలో సంప్రదించాడు. దీనికోసం సీనియర్​ అసిస్టెంట్​ (Senior Assistant) రమేశ్​ రూ.15 వేల లంచం డిమాండ్​ చేశాడు. దీంతో బాధితుడు ఏసీబీ అధికారులకు సమాచారం ఇచ్చాడు. ఈ మేరకు మంగళవారం రూ.15 వేల లంచం తీసుకుంటుండగా ఏసీబీ అధికారులు రమేశ్​ను రెడ్​ హ్యాండెడ్​గా పట్టుకున్నారు. ఈ మేరకు కేసు నమోదు చేసి నిందితుడిని అరెస్ట్​ చేశారు.

ACB Trap | అవినీతి కేంద్రాలుగా..

రాష్ట్రంలోని పలు మున్సిపల్​ కార్యాలయాలు (Municipal Offices) అవినీతి కేంద్రాలుగా మారాయి. ఆయా కార్యాలయాల్లో పలువురు సిబ్బంది ఏళ్లుగా తిష్ట వేసి ప్రజల నుంచి అందిన కాడికి దండుకుంటున్నారు. బర్త్​ సర్టిఫికెట్​ నుంచి మొదలుకొని.. ఇంటి అనుమతుల వరకు ప్రతి దానికి ఒక రేటు పెట్టి లంచాలు తీసుకుంటున్నారు. డబ్బులు ఇవ్వకపోతే పనులు చేయడం లేదు. కొంత మంది అధికారులు దళారుల ద్వారా డబ్బులు వసూలు చేస్తున్నారు.

ACB Trap | లంచం ఇవ్వొద్దు

ప్రజలు అధికారులకు లంచాలు ఇవ్వొద్దని ఏసీబీ అధికారులు (ACB Officers) సూచిస్తున్నారు. ఎవరైనా లంచం అడిగితే ఏసీబీకి ఫోన్​ చేయాలని చెబుతున్నారు. 1064 టోల్​ ఫ్రీ నంబర్ (ACB Toll Free Number)​, వాట్సాప్ నంబర్​ 9440446106కు సమాచారం అందిస్తే అవినీతి అధికారుల పని పడతామని భరోసా ఇస్తున్నారు. ఏసీబీకి ఫిర్యాదు చేస్తే తర్వాత తమ పనులు కావేమోనని పలువురు భయపడుతున్నట్లు తమ దృష్టికి వచ్చిందని అధికారులు తెలిపారు. ఎలాంటి భయం వద్దని, ఆ పని పూర్తయ్యే వరకు బాధితులకు ఏసీబీ అండగా ఉంటుందని అధికారులు భరోసా ఇస్తున్నారు. ఫిర్యాదు చేసిన వారి వివరాలు గోప్యంగా ఉంచుతామన్నారు.