అక్షరటుడే, వెబ్​డెస్క్ : Cyberabad Police | హైదరాబాద్ (Hyderabad) నగరంలో వాహనాల రద్దీ అధికంగా ఉంటుంది. ఏ మాత్రం ఏమారపాటుగా ఉన్న ప్రమాదాలు జరుగుతాయి. నిత్యం రోడ్డు ప్రమాదాల్లో ఎంతో మంది చనిపోతున్నారు. చాలా ప్రమాదాలకు డ్రంకన్​ డ్రైవ్ (Drunk and Drive)​ కారణమని పోలీసులు గుర్తించారు. ఈ మేరకు నగరంలో నిత్యం తనిఖీలు నిర్వహిస్తున్నారు. పగటి పూట కూడా డ్రంకన్​ డ్రైవ్​ టెస్ట్​లు చేస్తూ మందుబాబుల ఆట కట్టిస్తున్నారు. శని, ఆదివారాల్లో వీకెండ్​ స్పెషల్​ డ్రైవ్​లు చేపడుతున్నారు. అయినా మందుబాబులు మాత్రం తగ్గడం లేదు.

సైబరాబాద్​ పోలీసులు శనివారం డ్రంకన్​ డ్రైవ్​ ప్రత్యేక తనిఖీలు చేపట్టారు. వీకెండ్​ కావడంతో మద్యం ప్రియులు పూటుగా తాగి ఇళ్లకు వెళ్తుంటారు. ఇలాంటి వారితో ప్రమాదాలు జరుగుతుండటంతో ట్రాఫిక్​ పోలీసులు తనిఖీలు చేపట్టారు. మొత్తం 272 మంది మద్యం తాగి వాహనాలు నడుపుతూ పట్టుబడ్డారు. వీరిలో ద్విచక్రవాహనదారులు 227 మంది ఉన్నారు. త్రిచక్ర వాహనాలు నడిపేవారు 15, కారు డ్రైవర్లు 29 మంది. హెవీ వెహికల్​ నడిపేవారు ఒకరు ఉన్నారు. వీరికి కౌన్సెలింగ్​ ఇచ్చి కోర్టులో హాజరు పర్చనున్నట్లు పోలీసులు తెలిపారు.

Cyberabad Police | యువకులే అధికం

మద్యం తాగి వాహనాలు నడుపుతున్న వారిలో యువకులే (Youth) అధికంగా ఉన్నారు. 18–20 ఏళ్లలోపు వారు 8 మంది డ్రంకన్​ డ్రైవ్​లో దొరికారు. 20–30 ఏళ్లలోపు వారు 118 మంది చిక్కారు. 60 ఏళ్లపై ఉన్నవారు నలుగురు డ్రంకన్​ డ్రైవ్​లో దొరకడం గమనార్హం. కాగా గతవారం నిర్వహించిన తనిఖీల్లో 299 దొరికారు. వీరిలో 277 మందికి కోర్టు (Court) జరిమానా వేసింది. 22 మందికి జైలు శిక్ష విధించింది. జైలు శిక్ష వేస్తున్న మద్యం తాగి వాహనాలు నడిపే వారుమాత్రం మారడం లేదు.