అక్షరటుడే, ఆర్మూర్: 108 Ambulance​ | గర్భిణిని ఆస్పత్రికి తరలిస్తుండగా 108 వాహనంలోనే పురిటినొప్పులు ఎక్కువయ్యాయి. అంబులెన్స్​ సిబ్బంది సమయస్ఫూర్తిగా వ్యవహరించడంతో 108 వాహనంలోనే ప్రసవం జరిగింది.

అంబులెన్స్​ సిబ్బంది తెలిపిన వివరాల ప్రకారం.. ఆలూర్ మండలం మాచర్ల గ్రామానికి చెందిన రవితకు ఆదివారం ఉదయం పురిటినొప్పులు వచ్చాయి. దీంతో ఆమె కుటుంబ సభ్యులు 108కు సమాచారం అందించారు. సిబ్బంది హుటాహుటిన గర్భిణి ఇంటికి చేరుకుని ఆమెను దేగాం​ ప్రభుత్వ ఆస్పత్రికి (Degam Government Hospital) తరలిస్తుండగా మార్గమధ్యంలో నొప్పులు ఎక్కువయ్యాయి. దీంతో అంబులెన్స్​ సిబ్బంది సాధారణ ప్రసవం చేశారు.

అనంతరం అంబులెన్స్​లో ఆమెను దేగాం ప్రభుత్వ ఆస్పత్రికి తరలించారు. ప్రస్తుతం తల్లి, శిశువు క్షేమంగా ఉన్నారని వైద్యులు తెలిపారు. 108 సిబ్బంది ఈఎంటీ(EMT) శాంతా, పైలెట్ రమేష్, ఆశా వర్కర్ పుష్పకు (Asha worker) కుటుంబ సభ్యులు కృతజ్ఞతలు తెలిపారు.