అక్షరటుడే, వెబ్​డెస్క్ : Kidney problems | మన దేశంలో కిడ్నీ సంబంధిత వ్యాధులు సర్వసాధారణంగా మారాయి. కిడ్నీ సమస్యలతో (kidney problems) బాధ పడుతున్న వారిలో యువకులు, వృద్ధులు సహా అన్ని రకాల వయస్సు వారు ఉన్నారు. మారిన జీవన శైలి, అనారోగ్యకరమైన ఆహారం, మధుమేహం, అధిక రక్తపోటు (high blood pressure), అవగాహన లేకపోవడం వంటివి కిడ్నీ సంబంధిత వ్యాధులకు ప్రధానంగా కారణమవుతున్నాయి. అయితే, ముందుజాగ్రత్తలు పాటించడం ద్వారా మూత్రపిండాలను సంరక్షించుకోవచ్చని, వ్యాధులు దరి చేరకుండా దీర్ఘకాలిక ఆరోగ్యాన్ని పొందవచ్చని వైద్య నిపుణులు చెబుతున్నారు. ఐదు అంశాలను పాటించడం ద్వారా కిడ్నీలను కాపాడుకోవడమే కాకుండా వాటి పనితీరును మెరుగుపరుచుకోవచ్చని సూచిస్తున్నారు.

Kidney problems | కిడ్నీలు ఎంతో కీలకం..

ఆరోగ్య సంరక్షణకు, జీవన నాణ్యతను మెరుగుపరచడానికి మూత్రపిండాలపై శ్రద్ధ వహించడం చాలా అవసరం. మూత్రపిండాలు వ్యర్థాలను ఫిల్టర్ చేస్తాయి. శరీర ద్రవాలను సమతుల్యం చేస్తాయి. బ్లడ్ ప్రెషర్ ను నియంత్రిస్తాయి. ప్రస్తుతం మన దేశంలో కిడ్నీ సంబంధిత వ్యాధులతో (kidney-related diseases) బాధ పడుతున్న వారి సంఖ్య భారీగా పెరుగుతోంది. మధుమేహం, అధిక రక్తపోటు, పెరుగుతున్న ఊబకాయం స్థాయిలతో పాటు కిడ్నీల పనితీరును దెబ్బతీసే మందులపై పర్యవేక్షణ లేకపోవడం వంటివి అందుకు కారణం. దీర్ఘకాలిక మూత్రపిండ వ్యాధి (CKD) అనేక రకాలుగా కోలుకోలేని నష్టాలు కలిగిస్తాయి. కిడ్నీల పనితీరు అకస్మాత్తుగా పడిపోవడం వల్ల ఇన్ఫెక్షన్లకు దారి తీస్తుంది. చిన్న చిన్న వ్యర్థాలు స్ఫటికీకరించి మూత్ర నాళాన్ని అడ్డుకున్నప్పుడు రాళ్లు (Kidney Stones) ఏర్పడతాయి. చీలమండలు, పాదాలు లేదా ముఖంలో వాపు, రాత్రిపూట తరచుగా మూత్రవిసర్జన, అలసట, ఆకలి లేకపోవడం, వికారం. మూత్రంలో రక్తం వంటివి కిడ్నీ సమస్యల లక్షణాలు. తగిన చికిత్స తీసుకోకపోతే బీపీ, షుగర్, రక్తహీనత, ఎముకల రుగ్మత, నరాల వీక్ నెస్ వంటి వాటికి దారి తీస్తాయి.

Kidney problems | ఇవి పాటిస్తే సమస్యలు దరి చేరవు..

హైడ్రేటెడ్గా ఉండడం: తగినంత నీరు త్రాగడం వల్ల మూత్రపిండాలు వ్యర్థాలను త్వరత్వరగా బయటకు పంపుతాయి. రోజుకు కనీసం 10-12 గ్లాసుల నీళ్లు తాగడానికి ప్రయత్నించాలి.

కోమోర్బిడిటీలను నిర్వహించడం: మధుమేహం (Diabetes), అధిక రక్తపోటు మూత్రపిండాల వ్యాధికి కారణమవుతాయి. క్రమం తప్పకుండా ఆరోగ్య పరీక్షలు, సమతుల్య ఆహారం, మందులు, వ్యాయామం, ప్రతిరోజూ కనీసం 8 గంటల నిద్ర తీసుకోవడం ఈ కోమోర్బిడిటీలను నియంత్రించడంలో సహాయపడతాయి.

ఉప్పు, ప్రాసెస్ చేసిన ఆహారాలను తగ్గించడం: అధిక ఉప్పు మూత్రపిండాలపై ఒత్తిడిని పెంచుతుంది, రక్తపోటుకు (high blood pressure) దారి తీస్తుంది. ప్రాసెస్ చేసిన, ఉప్పుగా ఉండే ఆహారాలను నివారించడం అవసరం. పిజ్జా, పాస్తా, నమ్కీన్లు, బేకరీ వస్తువులు, సోడాలు, కోలాలకు దూరంగా ఉండాలి. తక్కువ నూనె, తక్కువ ఉప్పు, ప్రిజర్వేటివ్లతో ఇంట్లో వండిన భోజనాన్ని భుజించాలి.

Kidney problems | అనవసరమైన మందులు వాడొద్దు..

కొందరు రెగ్యులర్ గా మందులు వేసుకుంటారు. ఓవర్-ది-కౌంటర్ మందులను తరచుగా వాడటం మూత్రపిండాలకు హాని కలిగిస్తుంది. ఏదైనా ఔషధాన్ని క్రమం తప్పకుండా తీసుకునే ముందు వైద్యుడిని సంప్రదించండి.

Kidney problems | శారీరక శ్రమ..

క్రమం తప్పకుండా శారీరక శ్రమ చేయాలి. ఇది మొత్తం ఆరోగ్యాన్ని మెరుగుపరుస్తుందని, మధుమేహం, గుండె జబ్బులను (heart disease) నివారిస్తుందని వివిధ అధ్యయనాలు నిర్ధారించాయి, ఈ రెండూ మూత్రపిండాలను ప్రభావితం చేస్తాయి. ప్రతిరోజూ కనీసం 45 నిమిషాలు వ్యాయామం చేయడం అవసరం.