అక్షరటుడే, భీమ్గల్: Bada Bheemgal | ఉపాధ్యాయులు భావితరాలను తమ బోధనల ద్వారా దిశా నిర్దేశం చేసి సన్మార్గంలో నడిపించే నిర్దేశకులని ప్రధానోపాధ్యాయుడు కృష్ణ స్వామి అన్నారు. మండలంలోని బడా భీమ్గల్ జిల్లా పరిషత్ ఉన్నత పాఠశాలలో గణిత ఉపాధ్యాయుడు షికారి విజయ్ కుమార్ పదవీ విరమణ పొందారు.
ఈ సందర్భంగా ఆయనను శాలువా పూలమాలు, జ్ఞాపికలతో సన్మానించారు. పాఠశాలలో ఆయన అందించిన సేవలను కొనియాడారు. ఈ సందర్భంగా విద్యార్థుల సాంస్కృతిక కార్యక్రమాలు ఆహుతులను అలరించాయి. కార్యక్రమంలో పాఠశాల, వీడీసీ అధ్యక్షుడు మోర్తాడ్ లింబాద్రి, ఉపాధ్యాయ బృందం, గ్రామ పెద్దలు, విద్యార్థులు తదితరులు పాల్గొన్నారు.
