అక్షరటుడే, వెబ్​డెస్క్:Bangladesh | బంగ్లాదేశ్​లో ఘోర ప్రమాదం చోటు చేసుకుంది. మిలటరీ శిక్షణ విమానం (Military Training Aircraft) ఢాకాలోని ఓ కాలేజీ భవనంపై కూలిపోయింది.

ఈ ఘటనలో ఒకరు మృతి చెందగా.. నలుగురు తీవ్రంగా గాయపడ్డారు. బంగ్లాదేశ్ (Bangladesh) రాజధాని ఢాకాలో వైమానిక దళ శిక్షణ జెట్ F-7 BJI ఉత్తర ప్రాంతంలోని మైల్‌స్టోన్ స్కూల్, కాలేజీ భవనం(College Building)పై సోమవారం కూలిపోయింది. దీంతో స్థానికులు భయాందోళనకు గురయ్యారు.

విమానం కూలిపోవడంతో పాఠశాల క్యాంపస్‌కు (School Campus) తీవ్ర నష్టం వాటిల్లింది. ఈ ఘటన తర్వాత చుట్టూ పొగ అలుముకున్నట్లు స్థానికులు తెలిపారు. సమాచారం అందుకున్న అధికారులు సహాయక చర్యలు చేపట్టారు. ఈ ఘటనలో ఇప్పటి వరకు ఒకరు మృతి చెందారు. క్షతగాత్రులను సమీపంలోని ఆస్పత్రులకు తరలించారు. అయితే మృతుల సంఖ్య పెరిగే అవకాశం ఉన్నట్లు సమాచారం.